CamNews

ព័ត៌មានអន្តរជាតិ ៖ ៧៦ ស្រុក ពីបណ្តាខេត្តផ្សេងៗគ្នា នៅក្នុងប្រទេសថៃ  រួមទាំង  ទីក្រុងបាងកក ផងនោះ កំពុងតែប្រឈមនឹងហានិភ័យកង្វះខាតប្រើប្រាស់ ក្នុងរយៈ  ពេល  ២ ទៅ ៣ ខែ ខាងមុខ នេះបើយោងតាមបំណកស្រាយឯកសារ បន្ទាប់ពីមានកិច្ចប្រជុំ រដ្ឋមន្រ្តី  ក្រសួងកសិកម្មថៃ កាលពី ម្សិលមិញនេះ ។

ប្រភពបន្តឲ្យដឹងថា សង្កាត់ Nong Chok នាទីក្រុងបាងកក ប្រទេសថៃ អាច  នឹងជួបបញ្ហាប្រឈម កង្វះខាតទឹកប្រើប្រាស់ដល់ទៅ ៥៨លានម៉ែត្រគុប ចាប់ពីខែកុម្ភៈដល់ខែ មេសា ដើមឆ្នាំ ២០១៦ ។ សេចក្តីរាយការណ៍ បន្តឲ្យដឹង ៧៦ ស្រុក ដែលមានបញ្ហាប្រឈម  ខ្លាំង កង្វះខាតទឹកប្រើប្រាស់នា ពេលអនាគតនោះ គឺ ៧៦ស្រុក ពី ២៨ខេត្ត ក្នុងនោះរួមមានដូចជា ខេត្ត Chachoengsao, Chan - thaburi, Nakhon Ratchasima, Nakhon Sawan, Phichit, Chaiyaphum និងខេត្ត Ubon Ratcha - thani ជាដើម ។ លោក Sombat Meelaksanasom មន្រ្តីជាន់ខ្ពស់ ទទួលបន្ទុកប្រព័ន្ធធារា សាស្រ្ត ពី Chaiyaphum អោយដឹងថា ស្ថានីយ៍បូមទឹកច្រើនជាង ៦០ ដែលស្ថិតនៅ  ក្រោមការគ្រប់ គ្រងពី ភ្នាក់ងាររបស់លោកនៅតាមបណ្តាខេត្តនោះ ពុំទទួលបានការបូមទឹក  អោយ បាន គ្រប់គ្រាន់ពីទឹក ទន្លេ ក្នុងតំបន់នោះទេ ។ លោកបញ្ជាក់ក្តែងៗអោយដឹងថា ៖ គ្រោះរាំងស្ងួត ច្បាស់ ណាស់ ពិត ជា កើតមានយ៉ាងជាក់លាក់ ប្រសិនបើគ្មានភ្លៀងធ្លាក់ក្នុងពេលឆាប់ៗនេះ នោះទេ​។

ខណៈពេលដែល រដូវវស្សា ជាធម្មតា ចាប់ផ្តើមពីខែ មេសា ប៉ុន្តែឆ្នាំនេះ​ក្រុមអ្នកជំនាញ ព្រមានឲ្យ ដឹងថា រដូវវស្សា អាច  នឹង មិន ចាប់ផ្តើមនាខែមេសានោះទេ ដូច្នេះ អ្វីដែលជាដំណោះស្រាយជួយ សម្រួលដល់បញ្ហាប្រឈម កង្វះខាត  ទឹកប្រើប្រាស់ នៅទូទាំងប្រទេស ខាងមុខនេះ រួមមានដូចជា សន្សំសំចៃទឹក បុកអណ្តូង ក៏ដូចជា   ដាំដុះ ដំណាំណាដែលប្រើប្រាស់ទឹកតិច ឬក៏ដាំដំណាំប្រភេទ ណាដែលធន់នឹងគ្រោះរាំងស្ងួត ៕

ប្រែសម្រួល ៖​កុសល

ប្រភព ៖ អាស៊ីវ័ន