CamNews

ព័ត៌មានអន្តរជាតិ ៖ យន្តហោះដឹកអ្នកដំណើរ ១០ នាក់ពីប្រទេសឥណ្ឌូនេស៊ី បានបាត់បង់ការទាក់ ទងជាមួយនឹងមន្រ្តីត្រួតពិនិត្យអាកាសចរណ៍ បាត់ទៅហើយ អំឡុងប្រតិបត្តិការហោះហើរ ដឹកអ្នក ដំណើរ នៅលើដីកោះ Sulawesi ប្រទេស ឥណ្ឌូនេស៊ី អំឡុងថ្ងៃសុក្រ ម្សិលមិញ នេះបើយោងតាម ការគូសបញ្ជាក់ ​ពីមន្រ្តីផ្លូវការ ។

                                                        បញ្ជាក់ ៖ រូបភាព ឯកសារ

ប្រធានភ្នាក់ងារ ស្រាវជ្រាវ និងជួយសង្គ្រោះថ្នាក់ ជាតិ  ឥណ្ឌូនេស៊ី អះអាងអោយដឹងថា យន្តហោះ ដឹកអ្នកដំណើរ​ម៉ាស៊ីនពីរ Aviastar Twin Otter DHC-6 បានបាត់ការទាក់ទងភ្លាមៗ បន្ទាប់ពីហោះ ចេញពីអាកាសយានដ្ឋានដាច់ស្រយាល Masamba វេលាម៉ោង ២ និង ២៩ នាទីរសៀលថ្ងៃសុក្រ។

ពួកយើងកំពុងតែទន្ទឹងរង់ចាំ ព័ត៌មានលម្អិត ប៉ុន្តែ​ខ្ញុំ ក៏ដូចជា ក្រុមការងារនឹងហោះទៅ Masamba នារាត្រីនេះ នេះបើយោតាមប្រធានភ្នាក់ងារ ស្រាវជ្រាវនិងជួយសង្គ្រោះថ្នាក់ជាតិ ឥណ្ឌូនេស៊ី លោក Bambang Sulistyo ។ លោក Bambang Sulistyo   គូស  បញ្ជាក់ អោយដឹងថា លទ្ធភាពចេញជួយ សង្គ្រោះនិងស្រាវជ្រាវ នឹងចេញប្រតិបត្តិការឡើង នាព្រឹកថ្ងៃសៅរ៍នេះ ។

ប្រភពបញ្ជាក់អោយដឹងថា យន្តហោះដឹកអ្នក  ដំណើរខាងលើ  មានវត្តមាន អ្នកដំណើរ ជាមនុស្ស ពេញវ័យ ៤ នាក់ ក្មេង ៣ នាក់ និង ក្រុមសហសេវិក    ៣ នាក់ ផ្សេងទៀត ខណៈគ្រោងនឹងចុះចត នៅទីតាំង អាកាសយានដ្ឋាន Makassar មួយម៉ោងក្រោយ បន្ទាប់ពីហោះហើរ ។

                                                        បញ្ជាក់ ៖ រូបភាព ឯកសារ

លោក Abdul Munir អ្នកចាត់ការទូទៅ អាកាសយានដ្ឋាន Makassar  ផ្តល់ជាកិច្ចសម្ភាសន៍ ផ្សាយ ផ្ទាល់អោយដឹងថា យន្តហោះខាងលើ បាត់ការទាក់ទង ៨ នាទី   ក្រោយពីហោះឡើង ។ យន្តហោះ មួយគ្រឿងនេះ គឺជាយន្តហោះដឹកអ្នកដំណើរក្នុងស្រុក ។ ឥណ្ឌូនេស៊ី គឺជាប្រជាជាតិមួយ ដែលត្រូវ បានគេមើលឃើញថា​ មានភាពទន់ខ្សោយ ពាក់ព័ន្ធនឹង សុវត្ថិភាព  អាកាសចរណ៍ ពោល កាលពី ពេលថ្មីៗកន្លងទៅនេះ​តែងតែទទួលរងគ្រោះ   មហន្តរាយ  ដែន អាកាស តួយ៉ាង អំឡុងខែ សីហា កន្លងទៅនេះ មានករណីធ្លាក់យន្តហោះ តំបន់  ភ្នំ ដាច់ស្រយាល មួយកន្លែង សម្លាប់ មនុស្ស គ្មាន សល់ទាំង ៥៤ នាក់ នៅលើយន្តហោះ ៕

ប្រែសម្រួល ៖ កុសល

ប្រភព​ ៖ អាស៊ីវ័ន