ព័ត៌មានអន្តរជាតិ ៖ មនុស្ស ១៥ នាក់ ក្នុងនោះរួម មាន ក្មេងតូចម្នាក់ វ័យទើបតែ ១១ ឆ្នាំ ពួកគេទាំង អស់គ្នា បានទទួលរងរបួស ដោយនៅក្នុងនោះ មានម្នាក់ រង របួសធ្ងន់ ក្រោយពីមានករណី ផ្ទុះអាវុធ នៅឯក្លឹបកំសាន្តរាត្រី មួយ កន្លែង នា វេលា ទាបភ្លឺ ឈានចូលថ្ងៃអាទិត្យ នៅឯទីក្រុង Miami នារដ្ឋ Florida សហរដ្ឋអាមេរិក នេះបើតាមការអោយដឹងពីទំព័រសារព័ត៌មាន រដ្ឋចិន ស៊ិនហួរ ។
ប្រភពដដែលបន្តអោយដឹងថា ភ្លាមៗនោះ ប៉ូលីសក៏បាន ចេញ បទ អន្តរាគមន៍ ដោយចុះទៅដល់ កន្លែងកើតហេតុដោយផ្ទាល់ នៅវេលាម៉ោង ១ រំលងអាធ្រាត្រ ដោយនៅក្នុងនោះ ក្រុមមន្រ្តីមានសម ត្ថកិច្ច ក៏កំពុងតែធ្វើការតាមដាន ស៊ើបអង្កេត ដើម្បីកំណត់អោយបាន ពី ចំនួន មនុស្ស ដែលមានវត្ត មាននៅក្នុងក្លឹបកំសាន្ត ពេលរាត្រីមួយកន្លែងនេះ ក៏ដូចជា កំណត់ អោយបាន ពីចំនួនមនុស្សដែល ចូលដៃក្នុងការបាញ់បោះគ្រាប់ពិត ។
លោក Ignatius Carroll កាពីទែន មកពីនាយកដ្ឋាន សង្គ្រោះអគ្គីភ័យ ប្រចាំក្រុង បានផ្តល់ជាកិច្ច សម្ភាសន៍អោយដឹងថា ជនរងគ្រោះ ៧ នាក់ ត្រូវបានគេបញ្ជូនភ្លាមៗ ទៅកាន់ មន្ទីរពេទ្យ ដោយនៅ ក្នុងនោះ ពួកគេទទួលរងរបួស ត្រគាក ជើង ខណៈពុំមានការរងគ្រោះ រហូតដល់ថ្នាក់ គម្រាមគំហែង ដល់អាយុជីវិតនោះទេ ស្របពេលដែល ជនរងគ្រោះម្នាក់ផ្សេងទៀត បានទទួលរងរបួសធ្ងន់ ៕
ប្រែសម្រួល ៖ កុសល
ប្រភព ៖ ស៊ិនហួរ