CamNews

ព័ត៌មានកីឡា៖ ប៉ាក់គីអៅ ក្រោយពីត្រូវឆ្លងកាត់ការវះកាត់ព្យាបាលជម្ងឺស្មាស្ដាំកន្លងមក មិនទាន់មានដំណឹង​លេចឮថានឹងបន្ដចូលខ្លួនក្នុងសង្វៀនប្រកួតទៀតឡើយ​ ប៉ុន្ដែស្របពេលដែល Amir Khan បានផ្ដួល ដៃគូរ​ប្រកួតកាលពីសប្ដាហ៍មុន នោះកីឡាករ​ក៏បាន អះអាងបន្ដនឹងដំណឹងនោះផងដែរថា រូបលោក មិនចង់ប្រកួត​ជាមួយណាទាំងអស់ក្រៅ ពីដៃគូរចាស់របស់ គាត់ Floyd Mayweather ។ 

យោងតាមការចុះផ្សាយរបស់គេហទំព័រ boxingnews24 បានចុះផ្សាយឲ្យដឹងថា ប៉ាក់គីអៅ ដូចជាមិនមាន​បំណងចង់ជួបជាមួយដៃគូរថ្មីនោះទេ ក្រៅពី Floyd Mayweather ដែលជាសត្រូវយ៉ាងសំខាន់បំផុត របស់ កីឡាករ​។ 

ប៉ាក់គីអៅ នៅមិនទាន់បានជាសះស្បើយពីជម្ងឺវះកាត់នៅឡើយទេ ហើយម្យ៉ាងទៀតវិញនោះ រឿងការប្រកួត កីឡាករមិនចឹងរំលឹកអ្វីទាំងអស់ ខណៈដែលមិនទាន់ជាសះស្បើយ។ ទន្ទឹមនឹងនោះផងដែរ លោក Bobe Arum ដែលជាអ្នកដំណាងនិង ប្រធានរៀបចាំការប្រកួតរបស់ ប៉ាក់គីអៅ បានបង្ហើបព័ត័មានម្ដងដែរថា រូបលោក នឹងរៀបចំការប្រកួតរបស់ប៉ាក់គីអៅ នៅទីក្រុង Dubai នាពេលបន្ទាប់ពីកីឡាករជាសះស្បើយពីរបួស​ ដោយអាចជួបជាមួយ Amir Khan ឬ Kell Brook ប៉ុន្ដែកីឡាករមិនទាន់មានប្រតិកម្មនឹងការស​ម្រេចចិត្ដនៅឡើយទេ តែរហូតមកទាល់ពេលនេះ កីឡាករបានទទួចថា គីមិនចងប្រកួតជាមួយ​នរណាទាំងអស់ក្រៅពី Floyd ដូច្នេះរឿងអ្វីផ្សេងគឺមិនចង់រំឭក ។ 

ប្រភពព័ត៌មានបានចុះផ្សាយបន្ដទៀតថា ថ្វីត្បិតតែ ប៉ាក់គីអៅ ពិតជាចង់វ៉ៃជាមួយ Floyd ក៏ពិតមែន ប៉ុន្ដែ​អ្វីដែលសំខាន់​មិនដឹងថា Floyd យល់ព្រមប្រកួតជាមួយ កីឡាករម្ដងទៀតនោះទេ ។​ បើឱកាសកាលពីដើម​ខែមុន ដែលទើបតែដឹងលទ្ធផល Floyd បានអះអាងថា និងប្រកួតជាមួយកីឡាករម្ដងទៀត ប៉ុន្ដែបែជាប្រែ​ក្រឡះ យកលេសមិនចង់វ៉ៃទៅវិញ រហូតមកទល់ពេលនេះ ។ ប៉ុន្ដែទោះជាយ៉ាងណាក៏ដោយ បើតាមការ​វិភាគ Floyd អាចនឹងផ្ដល់ឱកាសប្រកួតកីឡាករ ម្ដងទៀត ។ 

ដោយ៖ អឿ អ៊ុយ

ប្រភព៖ boxingnews24