CamNews

ញ៉ូយ៉ក ៖ តើលោកអ្នកចង់សម្រកទម្ងន់ ដោយមិនចាំបាច់បង្អត់អាហារដែរឬទេ?  ជាការ
ពិតណាស់  នាពេលបច្ចុប្បន្ននេះ មនុស្សភាគច្រើនជាពិសេសនារីៗ តែងមានកង្វល់ទាក់
ទងទៅនឹងបញ្ហាសម្រកទម្ងន់។

បើយោងតាមការស្រាវជា្រវដែលបានចេញផ្សាយកាលពីថ្ងៃ សុក្រ សប្តាហ៏មុននេះបានអោយដឹង
ថា  ការបង្អត់អាហារក្នុងការសម្រកទម្ងន់មិនមែនជាជម្រើសដ៏ល្អនោះទេ   តែលោកអ្នកត្រូវតែប្រា
កដ  លោកបានញ៉ាំអាហារបានទៀងទាត់  ដោយមានជម្រើសក្នុងការញ៉ាំតិចតួច  ឬក៏បន្លែផ្លែឈើ
ជាពិសេស ធ្វើលំហាត់ប្រាណអោយបានជាប្រចាំទើបជាការប្រសើរ ចំពោះបញ្ហាសម្រកទម្ងន់។

លើសពីនេះទៅទៀត បើយោងទៅតាមនាយកចាត់ការទូទៅនៃមជ្ឍមណ្ឌលការពារស្តីពីបញ្ហាសុខ
ភាព ដែលមានឈ្មោះថា Anne McTiernan បានផ្តល់ជាដំបូន្មានថា ៖ ដើម្បីជាលទ្ធផលដ៏ល្អប្រសើរ
ចំពោះបញ្ហាសម្រកទម្ងន់   លោកអ្នកត្រូវបា្រកដថា  មិនត្រូវបង្អត់អាហារដល់ខ្លួនឯងនោះទេ   ជាពិ
សេសចំពោះអាហារពេលព្រឹក តែលោកអ្នកត្រូវតែច្បាស់ក្នុងចិត្តថា តើលោកអ្នកត្រូវទទួលទានអ្វី ឬ
ក៏បរិមាណចំនួនប៉ុន្មាន ដែលជាអត្ថប្រយោជន៍ខ្ពស់ក្នុងការសម្រកទម្ងន់។

គួរបញ្ជាក់ផងដែរថា  ដើម្បីជាលទ្ធផលខ្ពស់  ក្នុងការសំរេចការសម្រកទម្ងន់  លោកអ្នកត្រូវតែធ្វើការ
តមអាហារ  ក៏ ដូចជាធ្វើលំហាត់ប្រាណអោយបានទៀងទាត់ ។  ចំពោះការតមអាហារ  មានន័យថា
លោកអ្នកត្រូវតែទទួលទានអាហារប្រភេទណាដែលមិនមានជាតិខ្លាញ់ច្រើន ដោយជៀសវាងការញ៉ាំ
សាច់ច្រើន តែកុំភ្លេចក្នុងការទទួលទានបន្លែ និងផ្លែឈើផងដែរ។

បើនិយាយពីការហាត់ប្រាណវិញ លោកអ្នកដែលមានបំណងចង់សម្រកទម្ងន់នោះ ត្រូវប្រាកដអោយ
បានថា ការហាត់ប្រាណគឺជាជម្រើសមួយដ៏ល្អក្នុងការសម្រកទម្ងន់ ដូច្នេះ លោកអ្នកត្រូវតែធ្វើលំហាត់
ប្រាណអោយបានជាប្រចាំទើបជាការប្រសើរ  តែទន្ទឹមនិងនេះ បើយោងទៅតាមអ្នកសិក្សាស្រាវជ្រាវ
បានអោយដឹង ថា   កាលដែលលោកធ្វើលំហាត់ប្រាណតែឯកឯង  វាមិនសូវបានលទ្ធផល អ្វីនោះទេ
ពោលគឺសម្រកបានត្រឹមតែចន្លោះពី ៣ ទៅ ៤ គីឡូ ប៉ុណ្ណោះក្នុងមួយឆ្នាំ៕

ដោយ ៖ មង្គល
ប្រភព ៖ yourhealth