អាជ្ញាធរ អេស្ប៉ាញ តាមប្រមាញ់ ក្រពើយក្ស បន្ទាប់ពីរួចចូលបឹង មួយកន្លែង
ព័ត៌មានអន្តរជាតិ ៖ បើយោងតាមអត្ថបទផ្សាយ ដែលបានចេញដោយទំព័រសារព័ត៌មានបរ
ទេស ស្កាយ កាលពីវេលាល្ងាចម្សិលមិញនេះ បានបញ្ជាក់អោយដឹងថា មកទល់នឹងពេលអា
ជ្ញាធរ ប្រទេសអេស៉្បាញ ក៏កំពុងតែដុតដៃដុតជើង ក្នុងការតាមប្រមាញ់ក្រពើយក្សដែលបាន
រួចចូលក្នុងបឹង Majada Vieja de Mijas ដើម្បីជាការបង្ការកុំអោយកើតមានឡើងនូវសោកនា
ដកម្មដោយយថាហេតុណាមួយ។
គួរបញ្ជាក់ផងដែរថា ក្រពើដែលត្រូវបានរួចចូលក្នុងបឹងនោះ ត្រូវបានគេអះអាងថា ទំនងមក
ពីការលែងរបស់បុគ្គលមិនស្គាល់អត្តសញ្ញាណម្នាក់ ខណៈពេលដែលវាត្រូវបានគេមើលថែ
ធ្វើជាសត្វចិញ្ចឹម។ ដោយឡែក បើយោងតាមសម្តីមន្រ្តីផ្លូវការប្រចាំតំបន់ បានអះអាងអោយ
ដឹងថា ក្រពើយក្សមួយក្បាលនេះ មានអាយុ ១០ ឆ្នាំជាង ទម្ងន់ប្រមាណជាង៧០ គីឡូក្រាម
និងមានប្រវែងដល់ទៅ ២ ម៉ែត្រឯណោះ។
ក្រុមមន្រ្តីមានសមត្តកិច្ច ដាក់បំរាមនូវសញ្ញាគ្រោះថ្នាក់ ប្រយ័ត្នក្រពើកំណាច រួចចូលបឹង
លើសពីនេះទៅទៀត ប្រភពសារព័ត៌មានដដែលបន្ថែមថា ការប្រកាសអាសន្នត្រូវបានធ្វើ
ឡើងភ្លាមៗ ពីសំណាក់ចៅហ្វាយក្រុង Mijas លោក Angel Nozal ស្របពេលដែលលោក
បានកោះហៅប្រជុំនូវមន្រ្តីពាក់ព័ន្ធ ដើម្បីធ្វើយ៉ាងណា ធានាអោយបានថាចាប់បានក្រពើមួយ
ក្បាលនោះទាន់ពេល មុននឹងវាបង្កជាហានិភ័យ ដល់សុខសុវត្ថិភាពប្រជាជននាតំបន់នេះ។
គួររំឭកផងដែរថា ករណីខាងលើនេះ បានកើតឡើងនៅឯបឹង Majada Vieja de Mijas តំបន់
Costa del Sol ក្រុង Mijas ភាគខាងត្បូងប្រទេសអេស៉្បាញ៕
ដោយ ៖ ពិសិដ្ឋ
ប្រភព ៖ ស្កាយ
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
- ចោរអត់គម្រោង! នឹកឃើញចង់រកលុយថែម បែកគំនិតលួចខ្សែ ក តែម្ចាស់ហាងឆ្លាត ចុងក្រោយគុក (07/12/2018 09:59:00)
ព័ត៌មានអន្តរជាតិ ដែលមើលច្រើន
