ឃាត់ខ្លួន គូស្វាមី ភរិយា មួយគូរ ក្រោយសម្លាប់ម្តាយ យកសាកសព ញាត់ក្នុងវាលី នៅលើកោះ បាលី
ព័ត៌មានអន្តរជាតិ ៖ ជនជាប់ចោទ ជាជនជាតិ អាមេរិក ពីររូប ត្រូវបានចាប់ឃាត់ខ្លួន និងរងការចោទ ប្រកាន់ ដោយរង់ចាំតែផ្តន្ទាទោស ទៅតាមផ្លូវច្បាប់ ក្នុងករណីឃាតកម្ម សម្លាប់ស្រ្តីម្នាក់ ញាត់ចូល ទៅក្នុងវាលី នៅខាងក្រៅ សណ្ឋាគារ មួយកន្លែង ក្នុងប្រទេស ឥណ្ឌូនេស៊ី នេះបើតាមការគូសបញ្ជាក់ អោយដឹងពីមន្រ្តីប៉ូលីស ផ្លូវការ កាលពីថ្ងៃសុក្រ កន្លងទៅនេះ មកពី កោះបាលី ។
ស្ថិតនៅក្នុងវ័យទើបតែ ១៩ ឆ្នាំ Heather Mack និង Tommy Schaefer វ័យ ២១ ឆ្នាំ ទាំងពីរនាក់ជាប្តី ប្រពន្ធមកពីក្រុង Chicago សហរដ្ឋអាមេរិក ត្រូវបានអាជ្ញាធរ ប្រចាំកោះបាលី ធ្វើការចាប់ឃាត់ខ្លួន ពាក់ព័ន្ធនឹងករណី ឃាតកម្ម សម្លាប់ម្តាយរបស់នាង Heather Mack គឺលោកស្រី Sheila von Weise Mack វ័យ ៦១ ឆ្នាំ នេះបើតាមការអះអាង ក៏ដូចជា ការផ្តល់នូវកិច្ចសម្ភាសន៍ ពីសំណាក់ មេបញ្ជាការ ប៉ូលីសជាន់ខ្ពស់ ប្រចាំកោះ បាលី លោក Col. Djoko Hari ។
គួរបញ្ជាក់ថា រឿងហេតុការណ៍សម្លាប់មនុស្ស ញាត់ចូល ក្នុងវាលីមួយនេះបែកការណ៍ទៅបានបន្ទាប់ អ្នកបើករថយន្តតាក់ស៊ីម្នាក់ រាយការណ៍ ទៅមន្រ្តីប៉ូលីស ថាវាលីមួយ ដែលបានទុកចោល ពីសំណា ក់ប្តីប្រពន្ធមួយគូ នៅលើ ឡានតាក់ស៊ី របស់ខ្លួននោះ មានឈាម ។ របាយការណ៍ បន្តអោយដឹងថា ប្តីប្រពន្ធទាំងពីរ បានចាកចោល វាលី នៅលើឡានតាក់ស៊ី មួយគ្រឿងនោះ រួចប្រាប់អ្នកបើកបរ ថា ខ្លួននឹងមិនត្រលប់មកវិញទេ មុននឹងចូលទៅក្នុងសណ្ឋាគារ បាត់ស្រមោលតែម្តង ។
ក្នុងរយៈពេល មិនដល់ ២៤ ម៉ោង ស្រួលបួលផង ប្តីប្រពន្ធទាំងពីរនាក់ ត្រូវបានអាជ្ញាធរ ធ្វើការចាប់ ឃាត់ខ្លួន នៅព្រឹកថ្ងៃបន្ទាប់ នៅឯសណ្ឋាគារ មួយផ្សេងទៀត មានរយៈចម្ងាយប្រមាណ ១៥ គ.ម ពី សណ្ឋាគារ ដែលពួកគេស្នាក់នៅ លើកដំបូង ទីកន្លែងដែលមានករណីឃាតកម្ម សម្លាប់មនុស្ស ៕
ប្រែសម្រួល ៖ កុសល
ប្រភព ៖ ស៊ីអិនអិន
- រស់នៅសុទ្ធប្រទេសអ្នកមាន តែអគតិ អារកសម្លាប់ ឪពុក និងបងប្រុសរបស់ខ្លួន (18/03/2017 09:00:00)
- អេហ្ស៊ីប៖ «រូបចម្លាក់បុរាណអាយុកាលជិត ៣,០០០ឆ្នាំដែលទើបគាស់បាន ត្រូវបញ្ជូនទៅសារមន្ទីរជាតិទីក្រុងគែរ!» (17/03/2017 11:33:00)
- ភ្លៀងធ្លាក់មួយប្រាវ «ជន់លិចផ្ទះ និងអគាររាប់ពាន់ខ្នងនៅទូទាំងរដ្ឋធានីហ្សាការតា» របស់ឥណ្ឌូណេស៊ី! (21/02/2017 14:42:00)
- ម៉ាឡេស៊ី ចាប់ខ្លួនបុរស ៣នាក់ មានម្នាក់ជាមន្ត្រីសន្តិសុខក្រុមហ៊ុន Malaysia Airlines ដោយសង្ស័យ (01/02/2017 13:56:00)
- ស្របគ្នានឹងឱកាសបុណ្យចូលឆ្នាំចិន, ប្រតិទិនជនជាតិអេហ្ស៊ីបបុរាណ បង្ហាញការពិតអំពី«ផ (25/01/2017 14:52:00)
- ប្រទេសចិន ប្រាប់សហរដ្ឋអាមេរិកឲ្យ «ប្រយ័ត្នមាត់-កមែនទែន» ជុំវិញបញ្ហាសមុទ្រចិនខាងត្បូង! (24/01/2017 16:16:00)
- កន្លែងស្រស់ស្អាតទាំង១០លើពិភពលោក ដែលគ្មានវត្ថមានរថយន្ត (23/01/2017 15:54:00)
- ក្តៅៗ! បាត់លុយជាតិជាង ១១លានដុល្លារ ក្រោយប្រធានាធិបតីហ្គាំប៊ី ព្រមចុះចេញពីតំណែង និងរត់ចោលស្រុក (23/01/2017 11:56:00)
- ត្រូវចាំយូរបន្តិចហើយ! IPad ស៊េរីថ្មីមិនអាចបង្ហាញវត្តមាន ពាក់កណ្តាលឆ្នាំ២០១៧នេះ បានទេ (20/01/2017 12:00:00)
- ឆេះនិងរលំអគារពាណិជ្ជកម្មកម្ពស់ ១៧ជាន់នៅទីក្រុងតេហេរ៉ង់, មនុស្សយ៉ាងតិច៣៨នាក់របួស (19/01/2017 16:30:00)
ព័ត៌មានអន្តរជាតិ ដែលមើលច្រើន
