CamNews

នៅក្នុងឆ្នាំ ២០១២នេះ ព្រឹត្តិការណ៍បាល់ទាត់សំខាន់ៗ  ដែលជាប់ចំណាត់ថ្នាក់ល្អបំផុត មានដូច
ជា អ្នកសុតបញ្ចូលទីបានល្អបំផុតប្រចាំឆ្នាំ អ្នកលេងល្អបំផុតប្រចាំឆ្នាំ... ។ ប៉ុន្តែ Camnews សូម
លើកយកនូវចំណាត់ថ្នាក់ល្អសំខាន់ៗតែ ៥ប៉ុណ្ណោះ ជូនប្រិយមិត្តទស្សនាដូចខាងក្រោម។

១. អ្នកសុតបញ្ចូលទីបានល្អបំផុតប្រចាំឆ្នាំ (Goal of the Year)

Zlatan Ibrahimovic គឺជាកីឡាករខ្សែប្រយុទ្ធរបស់ក្រុមជម្រើសជាតិ ស៊ុយអែត និងជាខ្សែប្រយុទ្ធ
របស់ក្លឹបជើងខ្លាំង Paris Saint-Germain របស់បារាំង ដែលលេចធ្លោក្នុង UEFA Champion League
។ នៅក្នុងការប្រកួតរវាងក្រុមជម្រើសជាតិ ស៊ុយអែត និងអង់គ្លេស ស៊ុយអែតឈ្នះក្នុងលទ្ធផល
4-2 ដែលពេលនោះកីឡាករ Zlatan Ibrahimovic បានដាំដូងសុតបាល់បញ្ចូលទីយ៉ាងអស្ចារ្យ។

សូមទស្សនាវីដេអូ៖

២. ឱកាសដ៏ពិសេសបំផុតប្រចាំឆ្នាំ (Moment of the year)

កាលពីថ្ងៃទី ១៩ ឧសភា ២០១២ ក្លឹបបាល់ទាត់ Chelsea បានក្លាយជាជើងឯកនៃការប្រកួត
UEFA Champion Leauge រដូវកាលកន្លងទៅនេះ ដែលយកឈ្នះលើក្លឹប Bayern Munich ក្នុង
វគ្គប្រកួតផ្តាច់ព្រាត់។

៣. អ្នកលេងល្អបំផុតប្រចាំឆ្នាំ (Player of the Year)

កីឡាករ Lionel Messi បានជាប់ជាចំណាត់ថា្នកអ្នកលេងបាល់ល្អបំផុតប្រចាំឆ្នាំ។ លោកបាន
សាងកេរ្តិ៍ឈ្មោះដោយ រកគ្រាប់បាល់សរុបបានចំនួន ៩០គ្រាប់ បំបែកឯតទគ្គកម្ម Guinness
World Record។

៤. អ្នកដឹកនាំល្អបំផុតប្រចាំឆ្នាំ (Manager of the Year)

លោក Neil Lennon ជាអ្នកគ្រប់គ្រងក្លឹប Celtic របស់ស្កត់លែន។ លើកទីមួយដែលលោក Neil
Lennon បានដឹកនាំក្រុម Celtic ក្នុងការប្រកួត UEFA Champion League លោកបានធ្វើឲ្យក្លឹបនេះ
ជាប់ក្នុងលំដាប់ក្លឹបជើងខ្លាំងទាំង ១៦របស់អឺរ៉ុប។ ចំណែកឯការប្រកួតរវាង Celtic និងក្លឹបជើង
ខ្លាំង Barcelona កាលពីខែវិច្ឆិកា កន្លងទៅនេះ លោកបានធ្វើឲ្យ Celtic ទទួលបានជ័យជំនះក្នុង
លទ្ធផល 2-1 ទៀងផង។

៥. ក្រុមបាល់ទាត់ល្អបំផុតប្រចាំឆ្នាំ (Team of the Year)

ក្រុមជម្រើសជាតិ អេស៉្បាញបានជាប់ជាក្រុមបាល់ទាត់ល្អបំផុតប្រចាំឆ្នាំ។ នៅក្នុងការប្រកួតវគ្គ
ផ្តាច់ព្រាត់នៃ Euro Champion League 2012 ក្រុមអេស៉្បាញ បានយកជ័យជំនះយ៉ាងត្រចះត្រចង់
លើក្រុមអ៊ីតាលីក្នុងលទ្ធផល 4-0 ក្លាយជាជើងឯក៕

ដោយ៖ តុលា
ប្រភព៖ sport