CamNews

កីឡាករ ៖ មិនទាន់បានមួយខែពេញលេញនៅឡើយទេ ដែលការប្រកួតប្រចាំសតវត្សិ៍ត្រូវ​បង្ហាញលទ្ធផល Floyd បានផ្ដួល ប៉ាក់គីអៅ ដោយ​ពិន្ទុ​ហើយ​ក្ដាប់​យកនូវឱ​កាសជាកំពូលមហា​សេដ្ឋី​ក្នុងវិស័យអាជីពជាកីឡាករ។ ហើយមិនត្រឹមតែប៉ុណ្ណោះទៀតសោត ជាមួយនឹងលទ្ធផលដ៏​អស្ចារ្យ​បែបនេះ Floyd ក៏បានបង្ហើបព័ត៌មាន​​ផ្ទាល់ខ្លួន​បន្ដិចដែរ ជាមួយមិត្ដស្រីថ្មី វ័យ ៣០ សិបឆ្នាំ សាច់​ចាំខ្ចី​ល្វក់ រាង​រៅ​ល្វត​ល្វន់​ ឈ្មោះ​ថា ​Doralie Medina ។ 

ប្រភពព័ត៌មានបានអះអាងថា គូរស្នេហ៍មួយគូរនេះ បានជួបគ្នាដំបូង កាលពីឆ្នាំ ២០១១ មកម្ល៉េះ ខណៈដែល នាងគឺជានារីម៉ាស្សាដៃទេពមានវិធីសាស្រ្ដអាចធ្វើឲ្យ Floyd ពេញចិត្ដពេញថ្លើមជាខ្លាំង ហើយតែងតែអួតសរសើរពីថ្វីដៃរបស់​នាងជានិច្ចរាល់ពេលដែល កីឡាករ ទៅហ្វឹកហាត់ម្ដងៗ។ 

Floyd Mayweather បានមានទំនាក់ទំនងជាមួយមិត្ដស្រីចាស់ឈ្មោះថា Shantel Jackson អស់រយៈពេល ៨ ឆ្នាំតែប៉ុណ្ណោះរហូតមកដល់ឆ្នាំ ២០១៤ ហើយក៏ត្រូវបែកគ្នាវិញ។ បន្ទាប់ពីបែកគ្នា​ហើយ​ Shantel Jackson បានប្ដឹងធ្វើការចោទ​ប្រកាន់ ថា Floyd ធ្លាប់គម្រាមយកកំភ្លើងមកផ្ជង់រូប​នាង ក្នុងកំលុងពេលដែលស្គាល់គ្នាកន្លង​មក ។ 

ដើម្បីទិញទឹកចិត្ដតួឯកស្រីថ្មីនៅក្នុងរង្វង់បេះដូងកីឡាករប្រដាល់ម្នាក់នេះ Floyd Mayweather បានចំណាយ​លុយ​រហូត​ដល់ទៅ ៣០ លានដុល្លារទិញសេតវិមានដ៏ស្កឹមស្កៃក្នុងទីក្រុង Las Vegas កាលពីខែមុន ហើយនឹងការចំណាយជាច្រើនទៀត ដែលមិនអាចរាប់អស់ ។ 

​Doralie Medina បានកើត និង​រស់នៅទីក្រុង Los Angeles ក្នុងតំបន់ San Fernando Valley ហើយ​នាង​បានប្ដូរមកកាន់ Las Vegas កាលពីឆ្នាំ ២០១១ ហើយក៏បានជួប Floyd លើកទី ១ ក៏មានកាដូរ​ថ្ងៃខួបកំណើត របស់នាងតែម្ដង នោះគឺរថយន្ដទំនើបម៉ូដែល Rolls Royce Ghost តម្លៃរហូតដល់ទៅ ៣៥០០០០ ដុល្លារ និង សភារៈទំនើបជាច្រើនទៀត ។ 

ដោយ៖ អឿ អ៊ុយ

ប្រភព៖ latintimes