យន្តហោះ ក្រុមហ៊ុនអាកាសចរណ៍ សឹង្ហបុរី បើកបុកទៅនឹង ជណ្តើរអាកាស Aerobridge
ព័ត៌មានអន្តរជាតិ ៖ ក្រុមហ៊ុនអាកាសចរណ៍ សឹង្ហបុរី SIA បានអះអាងអោយដឹងថា យន្តហោះ របស់ ខ្លួនបានបើកទៅបុកនឹង ជណ្តើរអាកាស ដែលគេអោយឈ្មោះថា aerobridge ( ជាប្រភេទជណ្តើរ មានការតភ្ជាប់ ពីតួយន្តហោះ ទៅនឹងច្រកចេញពី អាកាសយានដ្ឋាន) នៅឯអាកាសយានដ្ឋានអន្តរ ជាតិ ក្រុង ស៊ីដនី ប្រទេស អូស្រ្តាលី កាលពីថ្ងៃច័ន្ទ ដើមសប្តាហ៍កន្លងទៅនេះ ។
អ្នកនាំពាក្យ អោយក្រុមហ៊ុន អាកាសចរណ៍ សឹង្ហបុរី SIA បានផ្តល់ជាកិច្ចសម្ភាសន៍ ដល់ទីភ្នាក់ងារ សារព័ត៌មាន Channel NewsAsia អោយដឹងថា យន្តហោះខាងលើ មានជើងហោះហើរ SQ231 ជា ប្រភេទយន្តហោះ Airbus A380 បានហោះចេញពីប្រទេស សឹង្ហបុរី ឆ្ពោះទៅក្រុង ស៊ីដនីដោយគ្រោង ទៅដល់នៅវេលាម៉ោង ១០ និង ២៥ នាទី ថ្ងៃច័ន្ទដើមសប្តាហ៍នេះ ។
សេចក្តីរាយការណ៍បញ្ជាក់បានអោយដឹងថា ក្នុងចំណោមក្រុមមនុស្ស ដែលជាអ្នកធ្វើដំណើរ ដល់ ទៅ ២៨៥ នាក់ រួមនឹង បុគ្គលិក ២៦ នាក់ ពួកគេទាំងអស់គ្នា ពុំមាននរណាម្នាក់ ទទួលរងរបួសនោះ ទេ ស្របពេលដែលជើងហោះហើរ ក្នុងគោលដៅ ដូចគ្នា របស់ក្រុមហ៊ុនអាកាសចរណ៍មួយនេះ ត្រូវ បានលុបចោល ។
គួរបញ្ជាក់ថា អ្នកនាំពាក្យ ក្រុមហ៊ុនអាកាសចរណ៍មួយនេះ បានធ្វើការបដិសេធ ក្នុងការអធិប្បាយ ស្តីពី លក្ខខ័ណ្ឌអាកាសធាតុ អំឡុងពេលមានគ្រោះថ្នាក់ ដោយនៅក្នុងនោះការតាមដានស៊ើបអង្កេត នៅតែបន្តមាននៅឡើយ ។ គួររំឮកថា កាលពីថ្ងៃពុធ សប្តាហ៍កន្លងទៅ យន្តហោះ មួយគ្រឿងរបស់ ក្រុមហ៊ុនអាកាសចរណ៍មួយនេះ បានបើករេ ធ្លាក់ផ្លូវរថ អំឡុងពេល ដែលមានការចុះចត នៅឯអា កាសយានដ្ឋាន អន្តរជាតិ Yangon International Airport ប្រទេស មីយ៉ាន់ម៉ា ។ គ្មានសេចក្តីរាយកា រណ៍ថាមាននរណាម្នាក់ រងរបួសនោះទេ ៕
ប្រែសម្រួល ៖ កុសល
ប្រភព ៖ channelnewsasia
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
- កាន់តែវីវរ, បញ្ជា ត្រឹមតែ ៥ ថ្ងៃ ឲ្យប្រមូលសាច់ ត្រលប់មកវិញ ពី ៣ ក្រុមហ៊ុន ប្រេស៊ីល ក្រោយផ្ទុះអាស្រូវ (25/03/2017 09:28:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ថាមែនមែន, ISIS ចេញមុខ ថាខ្លួនជាអ្នកវាយប្រហារ ភារវកម្ម នៅក្រុង London សម្លាប់មនុស្ស ៤នាក់នៅជិតរដ្ឋសភា (24/03/2017 09:50:00)
- ភារវកម្ម សម្លាប់មនុស្ស ៤នាក់ នៅមុខសភា ជនសង្ស័យ ៧នាក់ ត្រូវចាប់ខ្លួនបានហើយ (23/03/2017 15:56:00)
ព័ត៌មានអន្តរជាតិ ដែលមើលច្រើន
