ស្រីស្អាតសម្ញែងទ្រព្យ ប្រកាសរកប្ដី តាមអ៊ីនធើរណិត

ប្លែកៗ

ស្រីស្អាតសម្ញែងទ្រព្យ ប្រកាសរកប្ដី តាមអ៊ីនធើរណិត

10:26 PM 06.11.2013
Print Email

ប្រទេសចិន ហាក់ដូចជាមានភាពល្បីល្បាញជាងគេ អំពីរឿងចម្លែកៗ ដែលនឹកស្មានមិនដល់ ក្នុងនោះ ក៏មានករណីស្រីស្អាតជ្រើសរើសប្ដី ដោយវិធី និងលក្ខខណ្ឌដ៏មិនគួរឱ្យជឿ។

ថ្មីៗនេះ នៅលើបណ្ដាញអ៊ីនធើរណិតចិន មានការជ្រួលជ្រើមខ្លាំង ដោយសារតែស្រីស្អាតម្នាក់ មានរហ័សនាមថា "Hyun Fujie" ជ្រើសរើសប្ដី តាមគេហទំព័រសង្គម។ នារីវ័យក្មេងនេះ បានបង្ហោះរូបដ៏ស្រស់ស្អាតបំផុតរបស់ខ្លួន ហើយរូបទាំងនេះ ស្ថិតក្នុងស្ថានភាពបង្អួតភាពសិចស៊ីដល់កម្រិត។ នៅក្នុងការឧទ្ទេសនាម នារីនេះ សរសេរថា នាងជាកូនស្រីរបស់អ្នកមានរកស៊ីផ្នែកអចលនទ្រព្យម្នាក់ នៅសៀងហៃ។ នាងក៏បានសង្កត់ធ្ងន់ថា ទ្រព្យដែលនាងត្រូវទទួលបានពីឪពុកនាង គឺមានដល់ទៅ ៣ពាន់លានដុល្លារអាមេរិក។ មិនត្រឹមតែប៉ុណ្ណោះ នាងថែមទាំងបញ្ចេញស្ទីលជាមួយប្រាក់ ដើម្បីទាក់ទាញអនាគតស្វាមីទៀតផង។

ប៉ុន្ដែ ប្រការដែលគួរឱ្យភ្ញាក់ផ្អើលបំផុត នោះគឺការប្រកាសនៅក្នុង ទំព័ររបស់ខ្លួន នាងសរសេរថា ៖ “ចង់ធ្វើជាស្វាមីរបស់ខ្ញុំ គឺត្រូវមាន ៖ ផ្ទះស្អាត រថយន្ដល្អ យ៉ាងហោចក៏ Porsche ។ ពិសេសគឺត្រូវចេះធ្វើការផ្ទះ ព្រោះខ្ញុំមិនចេះដាំស្ល និងរកប្រាក់ទេ។ ទីបី គឺកុំស្រមៃចង់ទៅរកស្រីនៅខាងក្រៅ ខ្ញុំនឹងប្រើកាំបិតកាត់ “អាអូនតូច” របស់គាត់។ ទីបួន ត្រូវមានប្រាក់លើសពី ២ពាន់លានដុល្លារ។ មានសញ្ញាបត្រអនុបណ្ឌិត។

នៅពេលបានអានលក្ខខណ្ឌរបស់នាង គេជឿថា ប្រាកដជាមិនមានបុរសណាហ៊ានលើកដៃធ្វើជាប្ដីនាង ដោយសារតែប្រាក់នោះទេ។

ប៉ុន្ដែ ការស្វែងរកអនាគតស្វាមី មិនមែនមានតែមួយករណីនោះទេ។ កន្លងមក ក៏មានរឿងរ៉ាវប្រហាក់ប្រហែលនេះ ដែលបានធ្វើឱ្យមានការចាប់អារម្មណ៍ជាខ្លាំងពីសំណាក់អ្នកលេងអ៊ីនធើរណិត នៅចិន។

គណនីរបស់ “Daji ពាន់ឆ្នាំ”

នារីវ័យក្មេងរូបស្រស់ម្នាក់ មានរហ័សនាមថា “Daji ពាន់ឆ្នាំ” បានធ្វើឱ្យបុរសជាច្រើនត្រូវឈ្លក់វង្វេង។ នៅលើទំព័រ Weibo របស់នាង “Daji ពាន់ឆ្នាំ” បានសរសេរថា ខ្លួនជាមនុស្សលេងឫកពា និងស្មោះត្រង់ ចង់ស្វែងរកប្ដី ក្នុងវិស័យអចលនទ្រព្យ។ មិនត្រឹមតែមានរូបស្រស់ស្អាត នាងថែមទាំងមានរថយន្ដទំនើប Maserati មានប្រាក់ច្រើន និងពេជ្រមានតម្លៃ។ “Daji ពាន់ឆ្នាំ” ក៏បានបង្ហើបឱ្យដឹងថា នាងជាកូនអ្នកមាន។

យ៉ាងនេះក្ដី អ្នកលេងអ៊ីនធើរណិតជាច្រើន សង្ស័យចំពោះការប្រកាសស្វែងរកគូអនាគតរបស់នាង។ ពួកគេយល់ថា ប្រសិនស្រស់ស្អាត មានទ្រព្យច្រើន និងឆ្លាតវៃបែបនេះ ហេតុអ្វីចាំបាច់ត្រូវប្រកាសរកប្ដីតាមអ៊ីនធើរណិត?

អត្ថបទសំខាន់ៗគួរចាប់អារម្មណ៍ ៖

បញ្ចេញក្បាច់គុន នៅលើដើមដូង ដើម្បីអូសទាញសិស្ស

ចង់ឲ្យគេ Like និង Comment បានច្រើន បង្ហោះរូបសិចស៊ីលើ Facebook ត្រូវប្ដីសុំលែងលះ

បះសក់! ពេលឃើញស្រីស្អាតបាត់ខ្លួនមួយរំពេច នៅចំណតរថយន្ដក្រោមដី (វីដេអូ)

ប្រែសម្រួលដោយ ៖ តារា
ប្រភព ៖ KH/Northnews