CamNews

ព័ត៌មានអន្តរជាតិ ៖ ស្ថិតនៅត្រង់ចំនុចកណ្តាល នៃទំនាក់ទំនងស្រពិចស្រពិល បុរសម្នាក់ ពិតជាមាន ផលលំបាកជាខ្លាំង នៅពេលដែលមិត្តស្រី ពីរនាក់ របស់ខ្លួន ម្នាក់ជាអតីត និងម្នាក់ទៀត ជាមិត្តស្រីនា ពេលបច្ចុប្បន្ន តម្រូវអោយគាត់ជួយតែម្នាក់ បន្ទាប់ពីពួកនាងធ្លាក់ចូលទឹកទន្លេ ។

ស្ថិតនៅក្នុងវ័យ ២១ ឆ្នាំ លោក Wu Hsia បានចែកផ្លូវគ្នារួចទៅហើយជាមួយនឹងអតីតមិត្តស្រី វ័យ ២០ ឆ្នាំ នាង Jun Tang បន្ទាប់ពីលោកបែកគំនិតមានស្នេហ៍ថ្មី    ជា មួយនឹង​​ មិត្ត ស្រី បច្ចុប្បន្ន នាង Rong Tsao វ័យ ២២ ឆ្នាំ នៅក្នុងក្រុង Ningbo នាខេត្ត Zhejiang ភាគ  ខាងកើត ប្រទេសចិន ។ ទោះជាយ៉ាង ណាក៏ដោយចុះ បើទោះជាចែកផ្លូវគ្នា ជាមួយនឹងអតីតមិត្រស្រីយ៉ាងណា ក៏ដោយចុះ រយៈ៣ខែក្រោយ នាងនៅតែបន្តចងពារជាមួយនឹងគាត់​ ដោយតាមគាត់ រួចទាមទារ    អោយត្រូវគ្នាវិញ ដោយបង្ខំអោយ បែកពីមិត្តស្រីថ្មី នាង Rong ។

ទំនាក់ទំនងកាន់តែមានភាពស្មុគស្មាញនៅពេលដែលផ្លូវមួយត្រូវដើរ ៣ នាក់​ បង្កើតបានជាស្នេហាត្រី កោណ ជាលទ្ធផល លោក Wu ក៏បានសម្រេចចិត្តស្នើអោយមានការជួបមុខគ្នាដោយផ្ទាល់នៅឧទ្យាន ក្នុងក្រុង ជិតទន្លេមួយកន្លែង ដើម្បីឈានទៅដល់ ការដាច់ស្រេច សម្រេច ចិត្ត   អោយច្បាស់ កុំអោយ មានភាពភ័នច្រឡំ និងឈ្លោះប្រកែកគ្នាតទៅទៀត ។ ប៉ុន្តែដឹងអីថា ស្ថានការណ៍ បែរជាកាន់តែអាក្រក់ នៅពេលដែលមនុស្ស ៣ នាក់ បានជួបមុខគ្នាដោយផ្ទាល់ ពោល គូសត្រូវ ស្នេហ៍ ទាំង ពីរនាក់ នារីចិត្ត ឆើតបានឈ្លោះប្រកែកគ្នា រហូតដល់កើតមានឡើងនូវគ្រោះចៃដន្យ នាង Jun    រអិលធ្លាក់ចូលទៅក្នុង ទន្លេ ភ្លាមៗនាង Jun ដង្ហោយហៅរកជំនួយ ពីបុរសជាអតីតមិត្តប្រុស តែត្រូវនាង Rong យាយី ដោយ លោតចូលទៅទឹកទន្លេដូចគ្នាដែរ រួចប្រកាសជម្រើស អោយមិត្តប្រុសជួយម្នាក់  ណាអោយពិតប្រាកដ

រំពេចនោះខ្ញុំបាទពិតជាស្រឡាំងកាំងជាខ្លាំងដោយមិនច្បាស់ថាត្រូវធ្វើអ្វីអោយប្រាកដនោះទេតែដើម្បី សង្គ្រោះអាយុជីវិត ខ្ញុំបាទ ត្រូវតែធ្វើអ្វីម្យ៉ាង ពោល​ លោតចូលទៅក្នុងទឹកទន្លេ     និងសម្រេចចិត្តជួយ សង្គ្រោះ នាង Rong ។ ក្រោយពីសង្គ្រោះនាង Rong ដល់ដីគោក លោក Wu បានទូរស័ព្ទហៅ បងប្អូន ប្រុសរបស់ខ្លួន មកជួយអតីតមិត្តស្រីរបស់ខ្លួន ដែលកំពុងតែបណ្តែតខ្លួនលើទឹកទន្លេ ។  បន្ទាប់ ពីបង ប្អូនប្រុសរបស់លោក ជួយសង្គ្រោះនាងបាន​ អតីតមិត្តស្រីម្នាក់នេះ ត្រូវបញ្ជូនទៅកាន់មន្ទីរពេទ្យខណៈ មានរបួសបន្តិចបន្តួចតែប៉ុណ្ណោះ ។​

ជាការពិត វាគឺជាស្ថានការណ៍ដ៏អាក្រក់មួយ ដែលពិបាកសម្រេចចិត្តជាខ្លាំង  ដោយ  តម្រូវអោយជួយ សង្គ្រោះម្នាក់ ប៉ុន្តែខ្ញុំបាទ សូមសារភាពត្រង់ៗ សូមរើសនាង Rong ជាក់ច្បាស់ណាស់ ៕

ប្រែសម្រួល ៖ កុសល

ប្រភព ៖ ទំព័រដេញដោលមតិ អាស៊ីវ័ន