CamNews

ប្លែកៗ & ស្ទើរតែមិនគួរឲ្យជឿ ៖ ប្រជុំរូបភាពអាពាហ៍ពិពាហ៍ ពីគូស្វាមីភរិយា មុខដូចកូនក្មេង ពីតំបន់ ស្វ័យយ័ត Guangxi នោះនាំមកនូវភាពល្បីល្បាញជាខ្លាំងនៅលើបណ្តាញអ៊ិនធើណេតរបស់ប្រទេស ចិន ខណៈមានការរិះគន់មិនសំចៃមាត់នោះទេ ពោល ការរិះគន់លើកឡើង ថា  បេក្ខភាព កូនកំលោះ តាមពិតទៅមានវ័យទើបតែ ១៣ ឆ្នាំ តែប៉ុណ្ណោះ ក្រោយធ្វើអោយ  កូនក្រមុំ  មានផ្ទៃពោះទាំងវ័យក្មេង យ៉ាងដូច្នេះ​ពួកគេក៏សម្រេចចិត្តរៀបការតែម្តង ។

ទោះជាយ៉ាងណាក៏ដោយចុះ គូស្នេហ៍វ័យក្មេងមួយគូនេះ បានផ្តល់ជាកិច្ចសម្ផាសន៍ដល់សារព័ត៌មាន ក្នុងស្រុកឆ្លើយតបអោយអស់ចម្ងល់ ដល់បណ្តាមហាជនទូទៅឲ្យដឹងថា  ជាក់ស្តែង ពួកគេជាពលរដ្ឋ ចិនមកពីទីក្រុង Nanning តំបន់ ស្វ័យយ័ត Guangxiដែលមានទីតាំងជាប់នឹងព្រំប្រទល់ដែនប្រទេស វៀតណាម។ បេក្ខភាពកូនក្រមុំវ័យក្មេងដែលមានវ័យ​១៦ ឆ្នាំនោះឲ្យដឹងថា   ជាការពិត នាងខ្ញុំ ពុំមាន កូនពរពោះដូចពាក្យគេចោទនោះទេ ខណៈស្វាមីនាងខ្ញុំ ដែលបាន  ស្រឡាញ់គ្នា អស់រយៈពេលមួយ ឆ្នាំមកហើយនេះ ក៏មានវ័យ ១៦ឆ្នាំ​ដូចនាងខ្ញុំដែរ គាត់មិនមែន វ័យ ១៣ ឆ្នាំដូចតែពាក្យគេលើកឡើង នោះទេ ក្រោយពីអ្នករាល់គ្នាហ៊ានសន្មត់យ៉ាងដូច្នេះ នៅពេលដែល  ឃើញមុខគាត់ដូចកូនក្មេង។ ជា ការពិត និងជាក់ស្តែង ពួកយើងកើតក្នុងឆ្នាំ ១៩៩៩     ដូច្នេះ  បច្ចុប្បន្នភាព ពួកយើងមានវ័យ​១៦ ឆ្នាំ ហើយ គ្រាន់តែថា មុខស្វាមីនាងខ្ញុំ ដូចកូនក្មេងតែប៉ុណ្ណោះ ។

កូនក្រមុំបន្តអោយដឹងថា ជាក់ស្តែង ស្វាមីរបស់នាងខ្ញុំ បានបោះបង់  ចោលការសិក្សាថ្នាក់វិទ្យាល័យ តាំងពីឆ្នាំមុនមកម្ល៉េះ ដោយសារតែកត្តាជីវភាព តម្រូវឲ្យគាត់ ត្រូវ    ទៅរកការងារក្រៅម៉ោង ធ្វើការ ។ ដោយឡែក ភាគីខាងកូនកំលោះវ័យក្មេង លើកឡើងអោយ    ដឹងថា  ពិតប្រាកដណាស់ ឪពុកម្តាយ របស់ពួកខ្ញុំ ក៏បានយល់ព្រម ការរៀបអាពាហ៍ពិពាហ៍លើកនេះដូចគ្នាដែរ បើ គ្មានការយល់ព្រមពីពួក គាត់ តើពួកយើងអាចរៀបការបានយ៉ាងដូចម្តេចទៅ ? តើត្រូវ   អញ្ជើញភ្ញៀវររាប់រយនាក់ អោយចូល រួមកម្មវិធីរៀបអាពាហ៍ពិពាហ៍បានដូចម្តេចទៅ?

គួររំឮកថា ប្រជុំរូបភាព នៃកម្មវិធីអាពាហ៍ពិពាហ៍គូស្នេហ៍វ័យក្មេងទាំង ២នាក់នេះមានការពេញនិយម ខ្លាំងបំផុតនៅក្នុងប្រទេសចិន ខណៈមានមតិរះគន់ អមជាមួយនឹងសារលើកទឹកចិត្តដូចគ្នាដែរ ៕

ប្រែសម្រួល ៖ កុសល

ប្រភព ៖ ឆៃណា