CamNews

ព័ត៌មានអន្តរជាតិ ៖ អភិបាល រដ្ឋ California បានប្រកាស ដាក់  រដ្ឋ  ក្នុងភាពមានអាសន្ន បន្ទាប់ពី គ្រោះអគ្គីភ័យ នៃភ្លើងឆេះព្រៃ បង្ខំអោយប្រជាពលរដ្ឋ   មូលដ្ឋាន ២៣,០០០ នាក់  ត្រូវជម្លៀសខ្លួន ចេញ ពី ផ្ទះសម្បែង ពីភាគខាងជើងរដ្ឋ ។

អភិបាលរដ្ឋ Jerry Brown អោយដឹងថា គ្រោះអគ្គីភ័យដ៏សាហាវ ក្នុង  ទំព័រ ប្រវត្តិសាស្រ្ត លើកនេះ បានបណ្តាលអោយ ពលរដ្ឋម្នាក់ស្លាប់ និងបានគម្រាមគំហែង ដល់បណ្តា  ហេដ្ឋារចនាសម្ព័ន្ធទាំង អស់នៅក្នុងតំបន់ នៃភាគខាងជើង រដ្ឋ California    ។​  របាយការណ៍  ពីសារ ព័ត៌ មាន ប៊ីប៊ីស៊ី បន្ត អោយដឹងថា ពលរដ្ឋក្នុងស្រុក ច្រើនជាង ១,៣០០ នាក់ បានជម្លៀស  ខ្លួនចេញពីក្រុង San Fran- cisco រដ្ឋ California បន្ទាប់ពី អគ្គីភ័យ លេបត្របាក់លំនៅស្ថាន របស់ពួកគេ ។

ប្រភពបញ្ជាក់អោយដឹងថា ក្រុមការងារ ជាអ្នកពន្លត់អគ្គីភ័យ ៤ រូប បាន  ទទួល  រងរបួសធ្ងន់ និង ស្រាល ខណៈកំពុងសម្រាកព្យាបាលនៅក្នុងមន្ទីរពេទ្យ ។ គ្រោះអគ្គីភ័យ នៃ ភ្លើងឆេះព្រៃ បានបន្ត ឆាបឆេះ រហូតដល់ដើមសប្តាហ៍ថ្ងៃច័ន្ទនេះ បន្ទាប់ពីបាន ឆាបឆេះ នាចុងសប្តាហ៍កន្លងទៅ ។

​របាយការណ៍ បញ្ជាក់អោយដឹងថា ករណីគ្រោះអាសន្ន ភ្លើងឆេះព្រៃលើក នេះ គឺ បានវាយប្រហារ ធ្ងន់ធ្ងរខ្លាំងបំផុត ទៅលើជ្រលងភ្នំ ព្រៃឈើ ២ កន្លែង នោះគឺ Valley Fire និង  Butter Fire តួយ៉ាង
Valley Fire រងនូវការឆាបឆេះ ផ្ទៃដី ព្រៃឈើដល់ទៅ ២៧១៩៤ ហិចតា នៅសល់ផ្ទៃដីព្រៃឈើត្រឹម តែ ៣០% ខណៈ ពលរដ្ឋក្នុងស្រុក ១៣,០០០ នាក់បាត់បង់ផ្ទះសម្បែង ក្នុងនោះហេដ្ឋារចនាសម្ព័ន្ធ ៩០០០ កន្លែងរង នូវការគម្រាមគំហែង ខណៈ ផ្ទះ ៥៨៥​ ខ្នង  ត្រូវ  បានបំផ្លាញ ចំនួនក្រុមការងារ ចេញប្រតិបត្តិការ ពន្លត់មាន ចំនួន  ២៦៣៩  នាក់ របួស ៤   នាក់  ស្លាប់ ពលរដ្ឋម្នាក់ ដោយឡែក នៅ ករណី ភ្លើង  ឆេះ នៅឯជ្រលងភ្នំ Butter ឯណោះវិញ រងនូវការឆាបឆេះ ផ្ទៃដី  ព្រៃឈើដល់ទៅ ២៩០៤៨ ហិចតា នៅសល់ផ្ទៃដីព្រៃឈើ ត្រឹមតែ ៤០% ខណៈ   ពលរដ្ឋ ក្នុងស្រុក ១០,០០០ នាក់ បាត់បង់ផ្ទះសម្បែង ក្នុងនោះ ហេដ្ឋារចនាសម្ព័ន្ធ ៦៤០០ កន្លែងរង នូវការ   គម្រាមគំហែង ខណៈ ផ្ទះ ២៣២​ ខ្នង និង Outbuildings ១៧៥ ខ្នង រូងនូវការ ឆាបឆេះ    ចំណាយក្រុមការងារ ពន្លត់ អគ្គី ភ័យ ៤៩៦១ នាក់ និង ពលរដ្ឋ ៦០០០ នាក់ ត្រូវជម្លៀសខ្លួន ៕

ប្រែសម្រួល ៖ កុសល

ប្រភព ៖ ប៊ីប៊ីស៊ី