CamNews

ស្វែងរកកំរិតខ្ពស់
កីឡាជាតិ 

គ្រូ Lee ថា ល្បឿន គឺជាចំណុចខ្សោយ ដែលកម្ពុជាត្រូវកែតម្រូវមុន AFF Suzuki Cup 2016

(ភ្នំពេញ)៖ លោក Lee Tae Hoon គ្រូបង្វឹកក្រុមជម្រើសជាតិកម្ពុជា បានលើកឡើងថា ល្បឿនកីឡាករកម្ពុជា នៅលើទីលាននៅមានកម្រិត ដែល​ជា​ចំណុច​ខ្សោយ​ងាយ​នឹង​ទទួល​ការ​ដាក់​សម្ពាធពីគូភាគី ហេតុនេះពួកគេត្រូវព្យាយាមហាត់ឲ្យបាន​ខ្លាំង ដើម្បី​ត្រៀម​ការ​ប្រកួត​ផ្លូវ​ការ គឺ​វគ្គ​ជម្រុះ​ពាន​រង្វាន់ AFF Suzuki Cup 2016 នៅ​លើ​ទឹក​ដី​កម្ពុជា​នា​ពាក់​កណ្ដាល​ខែ​តុលា​ខាង​មុខ​នេះ។

ការថ្លែងបែបនេះ គឺបន្ទាប់ពីក្រុមម្ចាស់ផ្ទះកម្ពុជា បានយកឈ្នះក្រុមជម្រើសជាតិស្រីលង្កា នៅលើទឹកដីរបស់ខ្លួនដោយលទ្ធផល ៤-០ ក្នុង​ជំនួប​មិត្ត​ភាព​កាល​ពី​យប់​មិញ។ លោក​បន្ដ​ថា ការប្រកួតនេះ កីឡាករម្នាក់ៗ ពិតជាធ្វើការខ្លាំង ប៉ុន្ដែ​មិន​ទាន់​ដល់​ចំណុច​កំពូល​ លោក​ចង់​បាន​នោះ​ទេ ដោយ​សារ​ពួក​គេ​នៅមានចំណុចខ្សោយមួយ ដែលត្រូវកែតម្រូវជាចាំបាច់ គឺល្បឿន។

គ្រូបង្វឹកជនជាតិកូរ៉េខាងត្បូងខាងលើបានបញ្ជាក់ថា «ការប្រកួតនេះ កីឡាករកម្ពុជាពិតជាធ្វើការខ្លាំង រហូតទទួលបានជ័យជម្នះលើក្រុមស្រីលង្កា ប៉ុន្ដែ​មិន​មែន​ជា​ការ​ប្រកួត​ល្អ​បំផុត​របស់​កម្ពុជានោះទេ ពោលគឺទាមទារឲ្យកីឡាករម្នាក់ៗ ព្យាយាមហាត់បន្ថែមទៀត ដើម្បីត្រៀមឲ្យបានល្អ គឺការរក្សាតុល្យភាពជាក្រុមល្អ និងបំពេញចំណុចខ្សោយ គឺល្បឿន មុនការប្រកួត AFF Suzuki Cup 2016»។

លោកបញ្ជាក់ថា ប្រ៊ុយណេ ឡាវ និងទីម័រខាងកើត ក្រុមនីមួយៗ សុទ្ធតែមានមហិច្ឆតាចង់ឡើងទៅជុំផ្ដាច់ព្រ័ត្រនៃពានរង្វាន់ប្រចាំតំបន់អាស៊ាននេះ​ដូច​គ្នា ហើយ​ពួក​គេ​ក៏​បាន​ដឹង​ពី​ចំណុច​ខ្សោយ​របស់កម្ពុជាដែរ ហេតុនេះលោកបានទទូចឲ្យកីឡាករម្នាក់ៗ ត្រូវការព្យាយាមហ្វឹកហាត់បន្ថែមនូវល្បឿនឲ្យបានល្អ ដើម្បីទប់ស្កាត់ការទទួលបានលទ្ធផលមិនល្អ នៅក្នុងការប្រកួតផ្លូវការនាចន្លោះថ្ងៃទី១៥-២១ ខែតុលាខាងមុខនេះ៕

 

ផ្តល់សិទ្ធដោយ ៖ ខ្មែរថកឃីង


Tags: AFF Suzuki Cup 2016

កីឡាជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។