ធ្ងន់កហើយ! បើម៉ាឡេស៊ីអត់ប្រគល់សព លោក គីម ជុងណាំ កូរ៉េខាងជើងនឹងប្ដឹងទៅកាន់តុលាការអន្តរជាតិ!
(គូឡាឡាំពួរ)៖ ឯកអគ្គរដ្ឋទូតកូរ៉េខាងជើងប្រចាំនៅរដ្ឋធានីគូឡាឡាំពួរលោក Kang Chol បានព្រមានថា នឹងនាំយកសំណុំរឿងឃាតកម្មរបស់បងប្រុសលោក គីម ជុងអ៊ុន ឡើងដល់តុលាការអន្តរជាតិ បើសិនជាអាជ្ញាធរម៉ាឡេស៊ីនៅតែប្រកែកមិនប្រគល់សាកសពលោក គីម ជុងណាំ ទៅឲ្យកូរ៉េខាងជើងវិញទេនោះ។ នេះបើតាមការចេញផ្សាយដោយសារព័ត៌មាន Channel News Asia នៅមុននេះបន្តិចនាព្រឹកថ្ងៃសៅរ៍ ទី១៨ ខែកុម្ភៈ ឆ្នាំ២០១៧។
ការលើកឡើងបែបនេះបានធ្វើឡើងនាយប់ថ្ងៃសុក្រម្សិលមិញនេះ បន្ទាប់ពីលោកឯកអគ្គរដ្ឋទូតកូរ៉េខាងជើង ត្រូវគេមើលឃើញថាទំនងជាមានចេតនាព្យាយាមចូលទៅកាន់វិទ្យាស្ថានកោសល្យវិច័យជាតិនៅក្នុងមន្ទីរពេទ្យគូឡាឡាំពួរ ជាកន្លែងដែលអាជ្ញាធរម៉ាឡេស៊ីរក្សាទុកសាកសពលោក គីម ជុងណាំ បន្ទាប់ពីបានបញ្ចប់ការធ្វើកោសល្យវិច័យកាលពីថ្ងៃពុធសប្តាហ៍នេះ។ ម៉្យាងវិញទៀតលោក Kang Chol បានចោទប្រកាន់ម៉ាឡេស៊ីថាបានលួចបិទបាំងអ្វីម៉្យាង ពីព្រោះតែការបដិសេធមិនព្រមប្រគល់សាកសពលោក គីម ជុងណាំ ទៅឲ្យស្ថានទូតកូរ៉េខាងជើងហើយលោក Kang បាននិយាយថាម៉ាឡេស៊ីកំពុងរៀបគំរោងអាក្រក់ដើម្បីបង្កការគំរាមកំហែងដល់កូរ៉េខាងជើង។
ដោយឡែកនៅក្នុងកិច្ចសន្ទនាជាមួយសារព័ត៌មាន Channel News Asia មេបញ្ជាការប៉ូលិសម៉ាឡេស៊ីលោក Khalid បានថ្លែងឆ្លើយតបទៅវិញថា «ពួកយើងមានច្បាប់ច្បាស់លាស់នៅក្នុងប្រទេសម៉ាឡេស៊ី ហើយនៅពេលដែលស្ថិតនៅក្នុងម៉ាឡេស៊ី មនុស្សរាល់គ្នាត្រូវតែគោរពនិងប្រតិបត្តិតាមក្បួនច្បាប់និងវិន័យទាំងអស់នោះ... ហើយក្នុងចំណោមនោះក៏រាប់បញ្ចូលទាំងប្រទេសកូរ៉េខាងជើង»។
គួរបញ្ជាក់ថាអាជ្ញាធរម៉ាឡេស៊ីនឹងមិនប្រគល់សាកសពលោក គីម ជុងណាំ ទៅឲ្យនរណាម្នាក់នោះឡើយ ដរាបណាមិនបានទទួលគំរូ DNA របស់សមាជិកនៃក្រុមគ្រួសារលោក គីម និងការស៊ើបអង្កេតនៃសំណុំរឿងឃាតកម្មនេះមិនទាន់ត្រូវបានដោះស្រាយចប់រួចរាល់ តាមច្បាប់ប្រទេសអាស៊ានមួយនេះទេនោះ៕
-កូរ៉េខាងជើង ជម្រុញឲ្យម៉ាឡេស៊ីប្រគល់សាកសពលោក Kim Jong-nam ទៅកាន់កូរ៉េខាងជើង ដោយគ្មានការពន្យារពេល
ប្រភព ៖ CNA
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
