CamNews

ស្វែងរកកំរិតខ្ពស់
ព័ត៌មានអន្តរជាតិ 

ថៃ ក្លាយជាប្រទេសដំបូងនៅអាស៊ី ដែលអាចលុបបំបាត់ការចម្លងអេដស៍ ពីមាតាទៅទារក

(បាងកក)៖ អង្គការសុខភាពពិភពលោក (WHO) បានបញ្ចេញរបាយការណ៍ចុងក្រោយរបស់ខ្លួនឲ្យដឹងថា ប្រទេសថៃ បានក្លាយជាប្រជាជាតិទីមួយនៅទ្វីបអាស៊ី ដែលអាចលុបបំបាត់ការចម្លងជំងឺអេដស៍ ពីម្តាយ ទៅកាន់ទារកបានដោយជោគជ័យ។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃពុធ ទី០៨ ខែមិថុនា ឆ្នាំ២០១៦។

ក្រសួងសុខភាពសាធារណរបស់ប្រទេសថៃ បានបញ្ចេញរបាយការណ៍របស់ខ្លួន កាលពីពេលថ្មីៗនេះថា ការឆ្លងជំងឺអេដស៍ពីម្តាយទៅទារក មានការថមថយយ៉ាងច្រើនគួរឲ្យសប្បាយរីករាយ ដោយកាលពី ឆ្នាំ ២០០៣ ការចម្លងមានអត្រា ១០,៣ភាគរយ ធ្លាក់មកនៅតែ ១,៩១ភាគរយប៉ុណ្ណោះ នៅឆ្នាំ ២០១៥។ អង្គការសុខភាពពិភពលោក បានសម្តែងក្តីត្រេកអរចំពោះ លទ្ធផលដ៏វិជ្ជមាននេះ ហើយក៏ហ៊ាន អះអាងដែរថា ប្រទេសថៃនឹងអាចលុបបំបាត់ទាំងស្រុងតែម្តងនៅប៉ុន្មានឆ្នាំទៀតប៉ុណ្ណោះ។

គួរបញ្ជាក់ថា កាលពីឆ្នាំ ២០១៤ តួលេខបង្ហាញថាមនុស្ស ៤៥០,០០០នាក់ នៅក្នុងប្រទេសមានផ្ទុក ជំងឺអេដស៍ ហើយកុមារមានប្រហែលជាង ២ភាគរយក្នុងចំណោមនោះ។ ពួកគេកំពុងរស់នៅ ដោយទទួលបាន ការថែទាំ និងថ្នាំពន្យាជីវិតពីក្រសួង និងអង្គការក្រៅរដ្ឋាភិបាលដែលសហការគ្នា៕



ផ្តល់សិទ្ធដោយ ៖ ហ្វ្រេសញូវអាស៊ី


Tags: HIV,  Int news,  Thailand,  Thai,  Bangkok

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......