អស្ចារ្យ! បើកឧទ្ធម្ភាគចក្រ គាស់គម្របស្រាបៀរ

ប្លែកៗ

អស្ចារ្យ! បើកឧទ្ធម្ភាគចក្រ គាស់គម្របស្រាបៀរ

08:44 PM 03.11.2013
Print Email

ការរក្សាលំនឹងនៅពេលបើកឧទ្ធម្ភាគចក្រ គឺជាការលំបាក ប៉ុន្ដែក្រុមអ្នកបើកបរចិន បានប្រើប្រាស់ឧទ្ធម្ភាគចក្រ ដើម្បីបើកគម្របស្រាបៀរ នៅក្នុងការប្រកួតពានរង្វាន់ខាងបើកឧទ្ធម្ភាគចក្រ ឆ្នាំ ២០១។

CBS បានឱ្យដឹងថា នេះគឺជាវគ្គចុងក្រោយនៃការប្រកួតបើកបរឧទ្ធម្ភាគចក្រ ឆ្នាំ ២០១៣ ដែលមានរយៈពេល ៣ថ្ងៃ និងត្រូវបានប្រារព្ធឡើងនៅខែត្រ Shandong ប្រទេសចិន។ ការប្រកួតនេះ បានបញ្ចប់កាលពីថ្ងៃទី ២៨តុលា កន្លងទៅ ដោយមានការចូលរួមពីសំណាក់អ្នកបើកបរយន្ដចំនួន ២០នាក់។ ក្នុងការប្រកួតនេះ ពួកគេត្រូវចូលរួមប្រជែកក្នុងវិញ្ញាសារចំនួន ៦ ដើម្បីបង្ហាញអំពីសមត្ថភាពបញ្ជាយន្ដហោះ។

ក្នុងវគ្គចុងក្រោយ ដបស្រាបៀរត្រូវបានគេយកមកប្រើប្រាស់។ ដបស្រាបៀរ ត្រូវបានដាក់នៅជាប់នឹងបង្គោលដែលមានកម្ពស់ ២ម៉ែត្រ ធៀបនឹងដី។ អ្នកបើកបរ ត្រូវប្រើប្រាស់ឧបករណ៍បើកគម្របដបដែលត្រូវបានភ្ជាប់នៅលើឧទ្ធម្ភាគចក្រ ដើម្បីគាស់បើកគម្របស្រាបៀរ ចំនួន ៥ ក្នុងរយៈពេល ៨នាទី ហើយដបស្រាបៀរនិមួយៗមានតម្លៃ ៤០ពិន្ទុ។

Wang Xuefei ដែលជាបេក្ខជនប្រកួតបើកបរយន្ដហោះម្នាក់ បានឱ្យដឹងថា ៖ “ការប្រកួតនេះ គឺមានបំណងត្រួតពិនិត្យសមត្ថភាពបញ្ជាឧទ្ធម្ភាគចក្រ របស់អ្នកបើកបរ។ យើងត្រូវប្រឹងប្រែងដើម្បីធ្វើឱ្យឧបករណ៍គាស់គម្របដប មកជិតគោលដៅបំផុត តាមដែលអាចធ្វើបាន។

នៅទីបញ្ចប់ ជ័យជំនះ បានទៅលើ Zhang Zhiqiang អ្នកបើកបរយន្ដហោះ មកពីក្រុង Anyang ខែត្រ Henan ដោយទទួលបាន ១២០ពិន្ទុ បន្ទាប់ពីបើកគម្របដបស្រាបៀរ បានចំនួនបី ក្នុងរយៈពេលអនុញ្ញាត។

អត្ថបទសំខាន់ៗគួរចាប់អារម្មណ៍ ៖

គ្រួសារ Beckham ក្លែងក្លាយ ធ្វើឱ្យផ្អើលក្រុង London ពេលបង្ហាញខ្លួន តាមដងផ្លូវ

កោះអណ្ដែតរបស់កុលសម្ព័ន្ធ សេរី នៅប្រទេស Peru

លែងលះគ្នា ព្រោះតែសម្លេងជួង របស់វិហារនៅក្បែរផ្ទះ (មានវីដេអូ)

ប្រែសម្រួលដោយ ៖ តារា
ប្រភព ៖ Youtube

Facebook Comments

Tags: Helicopter , Opens Bottle , Opens , Bottle , Beer , China

CamNews