យល់ដឹង
ថ្ងៃចុងសប្ដាហ៍ មិនដឹងធ្វើឱ្យញ៉ាំ សាករូបមន្ដត្រីបឹងកញ្ឆែតនេះលមើល៎!!
គ្រឿងផ្សំ
- ត្រីរ៉ស់២ក្បាល លាងឱ្យស្អាត
- គ្រឿងបុក
- កាពិ
- ម្ទេសក្រៀម ចិញ្ច្រាំឱ្យម៉ត់
- ខ្ទិះដូង
- ខ្ទឹមក្រហម ហាន់ជាបន្ទះៗ
- ខ្ទឹមសចិញ្ច្រាំឱ្យម៉ត់
- ប្រេងខ្យង ម្សៅស៊ុប ស្ករស អំបិល
- ទឹកអំពិលទុំ
- សណ្ដែកដីបុក
- កញ្ឆែត
វិធីធ្វើ
- យកត្រីរ៉ស់មកបំពងឱ្យក្រៀម រួចដួសទុកមួយអន្លើ
- កញ្ឆែតយកមកលាងឱ្យស្អាត រួចរៀបដាក់ចានឬខ្ទះដែលត្រូវទទួលទាន និងយកត្រីដែលបំពងឆ្អិនមកដាក់ពីលើកញ្ឆែត រួចយកទុកមួយអន្លើ
- យកត្រីរ៉ស់មួយក្បាលទៀតមកស្ងោរឱ្យឆ្អិន រួចបេះយកតែសាច់ត្រី ហើយបុកឱ្យម៉ត់បន្តិច (ទឹកដែលស្ងោរត្រីហើយត្រូវទុក)
- ដាក់ប្រេងឆាចូលក្នុងខ្ទះទុកឱ្យក្ដៅ រួចដាក់គ្រឿងបុក ម្ទេសក្រៀម កាពិ ខ្ទឹមក្រហម ខ្ទឹមស សណ្ដែកដី កូរឱ្យឡើងក្រហមឈ្ងុយ
- បន្ទាប់មកដាក់សាច់ត្រី ប្រេងខ្យង ម្សៅស៊ុប ស្ករស អំបិល និងទឹកស្ងោរត្រីចូលកូរចូលគ្នាឱ្យសព្វ រួចដាក់ទឹកអំពិលទុំ និងខ្ទិះដូងចូល
- ទុកឱ្យពុះ រួចភ្លក់មើលឱ្យល្មមតាមការចូលចិត្ត ទើបយកមកស្រោចពីលើត្រី ដែលយើងបានរៀបពីលើកញ្ឆែតមុននេះ។ ម្ហូបមួយមុខនេះគួរញ៉ាំដោយដាក់លើភ្លើងក្ដៅៗទើបបង្កើនរសជាតិកាន់តែឆ្ងាញ់ ៕
ដោយ ៖ សារ៉ាត
ប្រភព៖ ANT
Tags:
Cooking, Food
- អាម៉ុកខ្មែរ កេរ្ដិ៍ដំណែលពីដូនតា បើបានធ្វើពិសាធានាថា ឆ្ងាញ់!!! (18/07/2018 14:50:00)
- បើបានទៅកូរ៉េ កុំភ្លេចសាកអាហារទាំង ៤ មុខនេះ ប្រាកដជាជាប់មាត់ (16/07/2018 16:36:00)
- ឆាក្ដៅអន្ទង់ បែបនេះធានាថាឆ្ងាញ់!!! (16/07/2018 11:12:00)
- ប្ដីផឹកអត់មានអីក្លែម សាកធ្វើជ្រក់ជើងមាន់ឱ្យក្លែមមើល៎ ប្ដីពិតជាស្រឡាញ់ទ្វេដង (14/07/2018 09:44:00)
- របៀបស្ងោរជ្រក់មាន់ឱ្យមានរសជាតិឆ្ងាញ់ (09/07/2018 10:06:00)
- ធានាថាឆ្ងាញ់ ពេលប្រើរូបមន្ដ ចៀនចួនត្រី ជាមួយម្ជូរអំពិលទុំនេះហើយ!! (07/07/2018 10:59:00)
- រូបមន្ដទឹកផ្លែឈើធម្មជាតិនេះ មិនត្រឹមតែឆ្ងាញ់ តែថែមទាំងអាចបណ្ដេញជាតិពុលពីរាងកាយទៀតផង (02/07/2018 15:00:00)
- រូបមន្ដក្រូចពោធិ៍សាត់ក្រឡុកឆ្ងាញ់ពិសា ដែលអ្នកមិនធា្លប់សាក (02/07/2018 14:39:00)
- ឆាឆ្អឹងជំនីរជ្រូកខ្ចីជាមួយខ្ញីបែបនេះ ធានាថាប្រាកដជាឆ្ងាញ់!! (02/07/2018 14:02:00)
- របៀប ឆាគ្រឿងក្នុងក្រួចឱ្យមានរសជាតិឆ្ងាញ់ (02/07/2018 11:40:00)
យល់ដឹង ដែលមើលច្រើន
