របៀប ឆាគ្រឿងក្នុងក្រួចឱ្យមានរសជាតិឆ្ងាញ់

យល់ដឹង

របៀប ឆាគ្រឿងក្នុងក្រួចឱ្យមានរសជាតិឆ្ងាញ់

11:40 AM 02.07.2018
Print Email

គ្រឿងផ្សំ៖

គ្រឿងក្នុងក្រួច ៥ ខាំ
ត្រកួន ១គីឡូក្រាម (បេះស្លឹកចេញខ្លះ យកតែផ្នែកខ្ចីៗ)
ម្ទេស តាមចំណូលចិត្ត ( ចិញ្រ្ចាំឱ្យម៉ត់)
ខ្ទឹមស ៥ កំពិស (ចិញ្រ្ចាំឱ្យម៉ត់)
ស្ករ ១ស្លាបព្រាបាយ
អំបិល ១ស្លាបព្រាបាយ
ទឹកត្រី ២ស្លាបព្រាបាយ
ប្រេងខ្យង ១ស្លាបព្រាបាយ
ម្សៅស៊ុប ១ស្លាបព្រាកាហ្វេ
ប្រេងឆា ២ស្លាបព្រាបាយ

របៀបធ្វើ៖

យកគ្រឿងក្នុងក្រួចច្របាច់ជាមួយអំបិល រូចលាងទឹកឱ្យស្អាត (ធ្វើបែបនេះបីបួនដង) តែពងក្រួចដាក់ដោយឡែកមិនចាំបាច់លាងច្របាច់វាទេ។
យកគ្រឿងក្នុងក្រួចហាន់តូចៗល្មម។
ដាំទឹកបន្តិច (ដាក់អំបិលបន្តិច) ឱ្យពុះ រួចដាក់គ្រឿងក្នុងក្រួចស្រុះប្រហែល ៥ នាទី តែពងក្រួចមិនចាំបាច់ស្រុះក៏បាន រូចស្រង់ចេញ ដាក់ត្រាំក្នុងទឹកត្រជាក់ប្រហែល ៣ នាទី។
ដាំទឹកបន្ដិចឱ្យពុះ រួចដាក់ប្រេងឆា ២-៣ តំណក់ និងត្រកួនចូលស្រុះប្រហែល ២-៣ នាទី រួចស្រង់ដាក់កញ្រ្ជែងឱ្យស្រស់ទឹក។
ដាក់ប្រេងឆាក្នុងខ្ទះ ដាំឱ្យក្តៅ រួចដាក់ខ្ទឹមសចូលបំពងឱ្យប្រែពណ៌បន្ដិច សឹមដាក់ម្ទេសចូលឆាបីបួនត្រឡប់ សឹមដាក់សាច់ចូល ឆាបីបួនត្រឡប់ រួចបន្ថែមរសជាតិដោយ ស្ករ ទឹកត្រី ប្រេងខ្យង និងម្សៅស៊ុបចូលឆាចូលគ្នាអោយសព្វ។
រំងាស់សាច់ឱ្យស្ងួតទឹក រួចថែមទឹកបន្តិចទៀត រំងាស់រហូតដល់សាច់ឆ្អឹនល្អ ភ្លក្សរសជាតិតាមចំណូលចិត្ត តែកុំសូវត្រឡប់ខ្លាំង ព្រោះបើត្រឡប់ខ្លាំង នឹងបែកពងក្រួច។ តុបតែងបានតាមតម្រូវចិត្ដ ៕
ប្រែសម្រួល ៖ សារ៉ាត
ប្រភព៖ CamW3KH