យកខ្សែចងលិង្គឱ្យមាន់ទាញ នៅមុខតួ Eiffel ត្រូវនគរបាលចាប់ខ្លួន និងត្រៀមឡើងតុលាការ
ការ “សម្ដែងសិល្បៈ” របស់សិល្បករជនជាតិអាហ្វ្រិកខាងត្បូង ឈ្មោះ Steven Cohen បានក្លាយជាឈុតឆាកសម្ដែងបែបកំប្លែងឥតគិតថ្លៃមួយ ដែលបណ្ដាលឱ្យគាត់ត្រូវបាននគរបាលចាប់ខ្លួន ហើយត្រៀមនឹងឡើងតុលាការ នៅចុងឆ្នាំនេះ។
អ្នកសម្ដែង Steven Cohen យកខ្សែចងលិង្គឱ្យមាន់អូស នៅទីលាន
Place du Trocadero
កាលពី ថ្ងៃទី ១០កញ្ញាកន្លងទៅ ភ្ញៀវទេសចរណ៍ទាំងឡាយ បានទស្សនាកំសាន្ដសប្បាយនូវឈុតឆាកសម្ដែង “សិល្បៈ” កំប្លែងដោយមិនគិតថ្លៃមួយ នៅមុខតួ Eiffel របស់ក្រុងបារីស ប្រទេសបារាំង។ ដោយមិនខ្ចីអើពើដល់ការរិះគន់របស់មនុស្សនៅជុំវិញ សិល្បករម្នាក់ឈ្មោះ Steven Cohen នៅតែបញ្ចេញកាយវិការសម្ដែង របស់ខ្លួន ជាមួយនឹងសត្វមាន់មួយក្បាល ដែលត្រូវបានចងខ្សែជាប់នឹងលិង្គរបស់គាត់។
ការបង្ហាញខ្លួន និងសម្ដែងឈុតឆាកដ៏ចម្លែកនេះ ត្រូវបាន Steven Cohen ធ្វើឡើង នៅចំពោះមុខមនុស្សរាប់រយនាក់ ដែលមានវត្តមាននៅទីលាន Place du Trocadero នាវេលាម៉ោងប្រហែល ៩និង៣០នាទីព្រឹក។
ការស្លៀកពាក់ចម្លែក និងចងប្រដាប់ភេទរបស់ខ្លួន ជាប់នឹងខ្សែចងមាន់នេះ ធ្វើឱ្យមានអន្ដរាគមន៍ពីនគរបាល
ការសម្ដែង របស់ Cohen នឹងមិនមានអ្វីត្រូវរិះគន់នោះទេ ប្រសិនគាត់ស្លៀកពាក់ត្រឹមត្រូវ ។ Cohen ពាក់ស្បែកជើងកែងចោត ពាក់រោមមាន់ឈ្មោលនៅលើក្បាល ស្រោមដៃពណ៌ក្រហមមានចងរោមមាន់ និងរុំក្រណាត់ជុំវិញពោះ។ ចំណែកនៅត្រង់ប្រដាប់ភេទរបស់គាត់ គេឃើញមានចងខ្សែជាប់ទៅនឹងខ្សែចងមាន់ឈ្មោលមួយក្បាលដែលដើរ នៅខាងមុខ។
ក្រោយពីបានតុបតែងខ្លួនរួច Cohen ចាប់ផ្ដើមសម្ដែង ដោយដើរត្រាបតាមមាន់ នៅចំពោះមុខហ្វូងមនុស្សដែលកំពុងយកចិត្តទុកដាក់នឹងសកម្មភាពរបស់គាត់។ មេធាវីរបស់ Cohen ឱ្យដឹងថា Cohen បានរាំដូចសត្វមាន់ក្នុងរយៈពេលប្រហែល ១០នាទី មុនពេលនគរបាលមកដល់។
Steven Cohen ជាអ្នកសិល្បៈមួយរូប ដែលតែងបញ្ចេញសកម្មភាពប្លែកៗ នៅទីសាធារណៈ
សកម្មភាព និងការស្លៀកពាក់ដ៏ចម្លែករបស់ Cohen បណ្ដាលឱ្យគាត់ត្រូវចាប់ខ្លួន ក្រោមបទចោទប្រកាន់ថា បានបញ្ចេញសកម្មភាពអាក្រក់នៅទីសាធារណៈ។ ក្រោយការចាប់ខ្លួនមួយថ្ងៃ Cohen ក៏ត្រូវបានដោះលែងឱ្យនៅក្រៅឃុំបណ្ដោះអាសន្ន ប៉ុន្ដែ អ្នកសិល្បៈរូបនេះនឹងត្រូវឡើងតុលាការនៅថ្ងៃទី ១៦ខែធ្នូខាងចុងឆ្នាំនេះ។
និយាយកាន់ជើងសកម្មភាពកូនក្ដី របស់ខ្លួន មេធាវីរបស់ Cohen ថ្លែងថា កូនក្ដីរបស់គាត់គ្រាន់តែចង់បញ្ចូនសារទៅកាន់មនុស្សទាំងឡាយ អំពីការបែងចែក ឬប្រកាន់គ្នា រវាងអាហ្វ្រិកខាងត្បូងដែលជាស្រុកកំណើតរបស់ Cohen និងប្រទេសបារាំងជាកន្លែងដែល Cohen កំពុងរស់នៅ តែប៉ុណ្ណោះ។
ដោយ ៖ តារា
ប្រភព ៖ anorak
- WikiLeaks ប្រកាស ផ្តល់ប្រាក់រង្វាន់ ៥០,០០០ម៉ឺនដុល្លារ សម្រាប់តែ ១ វីដេអូឃ្លីប (09/10/2015 13:50:00)
- រកឃើញធ្មេញមនុស្សពេញ វ័យ សម័យបុរាណ មានអាយុ ដល់ទៅ ៥៦០,០០០ ឆ្នាំ (08/08/2015 09:48:00)
- រកឃើញ បំណែក ខ្មោច Mummy បាត់ខ្លួនស្លាប់ តាំងពីឆ្នាំ ១៩៧០ ដោយអាថ៍កំបាំង (07/08/2015 09:26:00)
- គ្រឿងផ្ទុះ អាវុធយុទ្ធភ័ណ្ឌ ច្រើនជាង ២០០ ត្រូវឧក្រិដ្ឋជន ឆ្មក់លួចបានជោគជ័យ អនុសេនីយ៍ឯក ទាល់តម្រិះ (08/07/2015 14:36:00)
- Obama ធានា ថា US គ្មាន "ចារកម្ម" លើប្រទេស បារាំង នោះទេ ក្រោយបែកធ្លាយ ឯកសារ Wikileaks (25/06/2015 08:52:00)
- ស្រាវជ្រាវតាម IP addresses ប៉ូលីសសង្ស័យ Hacker រុស្ស៊ី វាយប្រហារ ប៉ុស្តិ៍ទូរទស្សន៍ TV5 Monde (10/06/2015 09:38:00)
- បែកការណ៍ រឿងហេតុ យន្តហោះ Air France ហោះកៀកខ្លាំង ប៊ិះបុក កំពូលភ្នំ កំពស់ខ្ពស់ (27/05/2015 09:31:00)
- ប៉ម Eiffel Tower បិទទ្វារ ក្រោយរង្គោះរង្គើ ពីរឿងជនអន្ធពាល លូកលាន់ (23/05/2015 09:15:00)
- ក្រុមតៃក្វាន់ដូ K-Tigers ធ្វើអោយទស្សនិកជន ភ្ញាក់ផ្អើលទៀតហើយ ជាមួយនិងការរាំបទ Overdoes របស់ EXO (15/06/2014 11:32:00)
- ទស្សនាវីដេអូ ក្មេងស្រី ២ នាក់នេះរាំ នឹងធ្វើអោយ ទស្សនិកជន ញញឹមដោយមិនដឹងខ្លួន (14/05/2014 13:45:00)
ប្លែកៗ ដែលមើលច្រើន
