អ្នកមាន និងអ្នកក្រ នៅប្រទេសចិន ខុសគ្នាដល់កម្រិតណា?

ជីវិត និងការងារ

អ្នកមាន និងអ្នកក្រ នៅប្រទេសចិន ខុសគ្នាដល់កម្រិតណា?

11:31 AM 08.03.2014
Print Email

តាមរយៈរូបថតមួយចំនួន ស្ដីអំពីជីវិតរស់នៅ របស់ពលរដ្ឋក្រីក្រ និងពលរដ្ឋអ្នកមាន គេនៅតែ
មើលឃើញថា ប្រទេសចិន នៅមានប្រជាជនជាច្រើន កំពុងរស់នៅក្នុងស្ថានភាពលំបាក វេទនា
បើទោះជា ប្រទេសនេះ ជិតនឹងបានក្លាយជាមហាអំណាចសេដ្ឋកិច្ចទីមួយ ក្នុងពិភពលោក

របាយការណ៍ស្រាវជ្រាវរបស់ Forbes ឱ្យដឹងថា ដោយមានមហាសេដ្ឋីចំនួន ១២២រូប ប្រទេស
ចិន បានក្លាយជាកន្លែងដែលប្រមូលផ្ដុំដោយមហាសេដ្ឋីច្រើនជាងគេ លំដាប់ទីពីរ ក្នុងពិភពលោក
ប៉ុន្ដែ ប្រជាជនប្រមាណជា ១៣% នៃប្រទេសនេះ កំពុងរស់នៅក្នុងភាពក្រីក្រ ពោលគឺ រកបាន
ប្រាក់ ចំណូលទាបជាង ១,២៥ដុល្លារ ក្នុងមួយថ្ងៃ។

បច្ចុប្បន្ន ប្រទេសចិន មានគំលាតរវាងចំណូលរបស់អ្នកមាន និងចំណូលរបស់អ្នកក្រ ក្នុងអត្រា
ខ្ពស់។ នៅក្នុងសុន្ទរកថាមួយ នៅសភា កាលពីឆ្នាំ ២០១២ អតីតប្រធានាធិបតីចិន លោក Hu
Jintao ថ្លែងថា ចិននឹងបង្កើនប្រាក់ចំណូល GDP នៅជនបទ ឱ្យបានទ្វេដង ចាប់ពីពេលនោះ
រហូតដល់ឆ្នាំ ២០២០។

បណ្ដារូបភាពផ្ទុយគ្នាខាងក្រោម ដែលត្រូវបានជាងថតរូបអាជីព Kim Kyung-Hoon របស់ទីភ្នាក់
សារព័ត៌មាន Reuters ថតបាន បង្ហាញអំពីគំលាតដ៏ធំ រវាងជីវភាពអ្នកមាន និងអ្នកក្រ នៅក្នុង
ប្រទេស ដែលមានប្រជាជាច្រើនជាងគេមួយនេះ។