CamNews

ស្វែងរកកំរិតខ្ពស់
ព័ត៌មានអន្តរជាតិ 

សាហាវមែន កំពុងតែជិះទូកកម្សាន្ដយ៉ាងសប្បាយ ស្រាប់តែផ្ទុះកម្អែលភ្នំភ្លើងរបួស ២២ នាក់!!!

មនុស្សយ៉ាងហោច ២២ នាក់ បានរងរបួស ក្រោយពីពំនូកកម្អែលភ្នំភ្លើងយ៉ាងក្ដៅ បានផ្ទុះជះមកលើដំបូងទូកទេសចរណ៍ក្នុងសមុទ្រមួយគ្រឿង នៅក្នុងរដ្ឋហាវៃ។

ស្រ្ដីម្នាក់បានបាក់ជើងម្ខាង នៅពេលកម្អែលភ្នំភ្លើងផ្ទុះ ដោយបានផ្ទុះចេញពីទឹកនៅក្បែរទូក ខណៈថ្មរលាយបានហូរចាក់ចូលមកក្នុងសមុទ្រ និងកំពប់មកលើដំបូលទូក។

លោក Darwin Okinaka ប្រធាននាយកដ្ឋានប្រឆាំងនឹងគ្រោះអគ្គិភ័យ Battalion ប្រចាំរដ្ឋហាវៃ បាននិយាយថា ថ្មរលាយ បានហូរជ្រែកដំបូល និងទម្លាយចូលទៅក្នុងកៅអីអង្គុយ។  


មន្រ្ដីមកពីនាយកដ្ឋានប្រឆាំងគ្រោះអគ្គិភ័យ បាននិយាយថា ឧបទ្ទវហេតុយប់នេះ បណ្ដាលឱ្យមនុស្សរងរបួសច្រើនបំផុត មិនធ្លាប់មាន ក្នុងប្រវត្ដិបន្ទុះភ្នំភ្លើង Kilauea។  នាយកដ្ឋានខាងលើបន្ថែមថា ស្រ្ដីម្នាក់វ័យ ២០ ឆ្នាំប្លាយ កំពុងស្ថិតក្នុងស្ថានភាពធ្ងន់ធ្ងរ ដោយសារតែរបួសបាក់ឆ្អឹងភ្លៅរបស់នាង។ 

ជនរងគ្រោះ ៣ នាក់ទៀត បានធូរស្រាលនៅក្នុងមន្ទីរពេទ្យ ដោយសារតែស្ថានភាពរបួសស្រាល។ អ្នកដំណើរសល់ពីនេះ បានរងការរលាក ដាច់រលាត់ និងរបួសសើស្បែកដទៃទៀត។

បុគ្គលិក ពន្លត់អគ្គិភ័យ បាននិយាយថា ពួកគេ បានធ្វើដំណើរកម្សាន្ដតាមទូក ដែលនាំអ្នកដំណើរទៅកម្សាន្ដកម្អែលភ្នំភ្លើង ដែលហូរធ្លាក់ចូលទឹកសមុទ្រ  ពីបន្ទុះភ្នំភ្លើងយ៉ាងវែងអន្លាយ ដែលបានបាញ់ចេញកម្អែលយ៉ាងច្រើន ពីរន្ធថ្មីនៅក្នុងដីរយៈពេលពីរខែមកហើយ។ កម្អែលភ្នំភ្លើង បានហូរចាក់ទម្លុះដំបូលទូក បន្សល់ទុកនូវប្រហោងយ៉ាងធំ។


លោក Shane Turpin ម្ចាស់ និងជាអ្នកបញ្ជាទូក ដែលត្រូវបានវាយប្រហារដោយកម្អែលភ្នំភ្លើងនោះ បាននិយាយថា គន្លងមក គាត់ពុំធ្លាប់ឃើញបន្ទុះ ដែលធ្វើឱ្យថ្មរលាយធ្លាក់មកលើទូករបស់គាត់ឡើយ ៕


ប្រែសម្រួល៖ សារ៉ាត

ប្រភព៖ metro.co.uk


Tags: International news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......