CamNews

ព័ត៌មានអន្តរជាតិ ៖ សហរដ្ឋអាមេរិក នឹងធ្វើការដោះលែង​ទណ្ឌិត ជិត ​​​  ៦០០០ ​ នាក់ ដែលជាអ្នក ទោសឧក្រិដ្ឋកម្មគ្រឿងញៀនក្នុងរយៈពេលប៉ុន្មានថ្ងៃខាងមុខនេះជាកិច្ចខិតខំប្រឹងប្រែងស្តីពីកំណែ ទម្រង់គោលនយោបាយ ជាប់ពន្ធនាគារដ៏ច្រើនលើសលប់ ។

ទណ្ឌិតប្រមាណជាង ៣៤០០ នាក់ ត្រូវបានអាជ្ញាធរបញ្ជូនរួចជាស្រេចទៅកាន់ មូលដ្ឋាន ស្តារនិតិ សម្បទាហើយ មិនត្រឹមតែប៉ុណ្ណោះ ទណ្ឌិត ប្រមាណ ១៧០០ នាក់ផ្សេងទៀត   ដែលជាអ្នកទោស មិនមែនជាពលរដ្ឋអាមេរិកនោះ ប្រឈមនឹងការនិរទេស ។ បំលាស់ប្តូរលើកនេះ   គឺជាផ្នែកមួយនៃ កិច្ចខិតខំប្រឹងប្រែង កំណែទម្រង់ ជាប់ពន្ធនាគាររយៈពេលយូរ ពីសំណាក់ក្រុម ជនល្មើសគ្មានអំពើ ហឹង្សា ដែលមានតួរលេខស្មើនឹងពាក់កណ្តាលនៃតួរលេខសរុប ទណ្ឌិត សហព័ន្ធ ។

សេចក្តីរាយការណ៍បញ្ជាក់អោយដឹងថា ទណ្ឌិត   ភាគច្រើន   ត្រូវ បាន  ដោះលែង កាលពីថ្ងៃសុក្រ សប្តាហ៍កន្លងទៅនេះ​ ខណៈមួយចំនួនផ្សេងទៀត នឹង   ត្រូវដោះលែង ជាបន្តបន្ទាប់អំឡុងសប្តាហ៍ នេះនិងសប្តាហ៍ក្រោយ​។ គួររំឮកថា ការដោះលែងលើកនេះ​​ គឺជាការដោះលែង ទ្រង់ទ្រាយធំបំផុត នៅក្នុងទំព័រប្រវត្តិសាស្រ្ត សហរដ្ឋអាមេរិក ដែលតួរលេខទណ្ឌិតត្រូវដោះលែង កើនឡើងខ្ពស់ដល់ ទៅរាប់ពាន់នាក់ឯណោះ ។ បរិបទនៃការ  ដោះលែង   ទ្រង់ ទ្រាយ ធំលើកនេះ  គឺជាច្បាប់មួយថ្មីពី គណៈកម្មការ ការកាត់ទោស សហរដ្ឋអាមេរិក   ឬ US Sentencing Commission ។ ជាមធ្យម ការ ជាប់ទោសរបស់ពួកគេ ត្រូវកាត់បន្ថយ រយៈពេល ២ ឆ្នាំ ។

ពុំទាន់ជាក់ច្បាស់នៅឡើយ ថាតើនឹងមានអ្វីកើតឡើងចំពោះ ទណ្ឌិតដែលមិនមែនជាពលរដ្ឋសហ រដ្ឋអាមេរិក ។ ការស៊ើបអង្កេត របស់  ក្រុមការងារ  BBC ទៅកាន់   នាយកដ្ឋានយុត្តិធម៌ ពុំទាន់បាន ឆ្លើយតបនៅឡើយទេ ។ គួរបញ្ជាក់ថា ការដោះលែងទណ្ឌិតលើកនេះ គឺជាការដោះលែង ដ៏ធំបំផុត មិនធ្លាប់មាននៅក្នុងទំព័រ ប្រវត្តិសាស្រ្ត សហរដ្ឋអាមេរិក តួយ៉ាង ទណ្ឌិតប្រមាណ  ៤៦,០០០ នាក់ ក្នុង ចំណោមទណ្ឌិតឧក្រិដ្ឋកម្មគ្រឿងញៀន ជាង ១០០,០០០ នាក់ អាចនឹងត្រូវបានដោះលែង ៕

ប្រែសម្រួល ៖ កុសល

ប្រភព ៖ ប៊ីប៊ីស៊ី