CamNews

ព័ត៌មានអន្តរជាតិ ៖ ជាការពិត ជាមួយនឹងសោកនាដកម្មគ្រោះធម្មជាតិ ខ្បល់ព្យុះដ៏មានឥទ្ធិ
ពលបំផុតប្រចាំឆ្នាំ ឈ្មោះ ហាយយ៉ាន នរណាៗ ក៏បានដឹងឭព័ត៌មានដ៏គួរអោយអណោចអ
ធមមួយនេះដែរ  ពីព្រោះថា  មិនត្រឹមតែបើកការវាយប្រហាររបស់ខ្លួនតែប៉ុណ្ណោះទេ  តែវាក៏
បានឆក់យកជីវិតមនុស្សរាប់ពាន់ និង  រាប់លាន់នាក់ផ្សេងទៀត បាត់បង់ផ្ទះសម្បែងដូចគ្នា
ដែរ។ គួររំឭកផងដែរថា ខ្យល់ព្យុះដ៏មានឥទ្ធិពលប្រចាំឆ្នាំ ឈ្មោះ ហាយយ៉ានមួយនេះ កាល
ពីដើមខែ វិច្ឆិកា បើកការវាយប្រហាររបស់ខ្លួន​ សម្លាប់មនុស្សរង្គាលដល់ទៅរាប់ពាន់នាក់នា
ភាគកណ្តាលប្រទេសហ្វីលីពីន។

បន្ទាប់ពីកើតមានឡើង   នូវសោកនាដកម្ម  ដ៏គួរអោយរន្ធត់មួយនេះ  ក្រុមមនុស្សក៏ដូចជា
បណ្តាប្រទេសនៅលើពិភពលោក   បានចាប់អារម្មណ៍នាំគ្នាផ្តល់ជាជំនួយទៅកាន់រដ្ឋាភិបា
លប្រទេសនេះ ខណៈជនរងគ្រោះផ្ទាល់ ដែលរស់នៅភាគកណ្តាលប្រទេសនោះក៏កំពុងតែ
ជួបបញ្ហាប្រឈមជាខ្លាំង ។   យ៉ាងណាមិញ មកដល់ថ្ងៃទី  ១៩ ខែវិច្ឆិកា ឆ្នាំ  ២០១៣ នេះ
ក្រុមការងារ មកពី Global DIRT ដោយនៅក្នុងនោះ   បានប្រើប្រាស់បច្ចេកវិទ្យាដ៏ទំនើបពី
Immersive Media ពោលគឺបំពាក់កាម៉េរ៉ា     មានមុខកាត់ដល់ទៅ  ៣៦០ ដឺក្រេ នៅពីលើ
រថយន្តរបស់ពួកគេ  ខណៈពេលដែលកំពុងតែ ធ្វើដំណើរ   បើកឆ្លងកាត់តំបន់រងគ្រោះអា
ក្រក់ជាងគេបំផុត ដែលស្ថិតនៅក្នុងក្រុង Tacloban ។

គួររំឭកផងដែរថា ខ្សែអាថ៍វីដេអូ ត្រូវបានគេថតនិងរៀបចំឡើង ដើម្បីទាក់ទាញចំណាប់
អារម្មណ៍ក្រុមមនុស្សមកពីជុំវិញពិភពលោក   អោយងាកក្រឡេកមកមើល និងយកចិត្ត
ទុកដាក់ជនរងគ្រោះ ដែលត្រូវការជំនួយជាបន្ទាន់ ដោយនៅក្នុងនោះ លោកអ្នកអាចធ្វើ
ការចុចបញ្ជា មើលគ្រប់ជ្រុងជ្រោយនៃវីដេអូមួយនេះផ្ទាល់តែម្តង ពោលគឺ គ្រាន់តែយក
Mouse កុំព្យូទ័រ ចុចអោយជាប់នៅលើវីដេអូ នឹងងាកចុះឡើងខាងឆ្វេងឬក៏ខាងស្តាំតាម
តែចិត្តទស្សនិកជន  ចង់ទស្សនាជ្រុងណាមួយនៃក្រុង   ស្ទើរតែក្លាយទៅជាទីក្រុងខ្មោច
មួយនេះ៕ បញ្ជាក់ ៖ ចុចទីនេះ ដើម្បីចូលទៅទស្សនាវីដេអូនោះដោយផ្ទាល់ ៕

ប្រែសម្រួល ៖ កុសល
ប្រភព ៖​ cnn