CamNews

ស្វែងរកកំរិតខ្ពស់
ព័ត៌មានអន្តរជាតិ 

Update: យន្តហោះដឹកជញ្ជូន​ឥណ្ឌូណេស៊ី ដែលបាត់ដំណឹង​នោះ​បានធ្លាក់​ហើយ​ ដោយមនុស្សជិះ​នៅលើនោះ​ទាំងអស់

(ហ្សាកាតា)៖ ភ្នាក់ងារជួយសង្រ្គោះប្រទេសឥណ្ឌូណេស៊ីនៅថ្ងៃអង្គារនេះ បានរកឃើញហើយសាកសពមនុស្ស ចំនួនបួននាក់ដែលស្ថិតនៅលើយន្តហោះដឹកជញ្ជូនមួយគ្រឿង ដែលត្រូវបានអាជ្ញាធរឥណ្ឌូណេស៊ីអះអាងថា បានដាច់វិទ្យុទាក់ទងនៅថ្ងៃអាទិត្យលើដែនអាកាសនៃខេត្ត Papua ភាគខាងកើតប្រទេសនោះហើយ។ នេះបើតាមការចេញផ្សាយដោយទីភ្នាក់ព័ត៌មានចិន ស៊ិនហួរ នៅមុននេះបន្តិចនារសៀលថ្ងៃអង្គារ ទី០១ ខែតុលា ឆ្នាំ២០១៦។


ប្រធានទីភ្នាក់ងាររុករក និងជួយសង្រ្គោះនៃប្រទេសឥណ្ឌូណេស៊ី លោក Henry Bambang Soelistyo បានឲ្យដឹងថាយន្តហោះខាងលើត្រូវបានគេប្រទះឃើញនៅជម្រាលភ្នំ Jayawijaya ក្នុងខេត្ត Papau ហើយសាកសពជនរងគ្រោះទាំងបួនរូបត្រូវបានគេបញ្ជូនតាមឧទ្ធម្ភាគចក្រទៅកាន់មន្ទីរពេទ្យក្រុង Timika ដើម្បីឆ្លងកាត់នីតិវិធីនៃការកំណត់អត្តសញ្ញាណ។

យន្តហោះដឹកជញ្ជូន DHC-4 Caribou ដែលបានធ្លាក់ត្រូវបានគេរាយការណ៍ថាបានដាច់វិទ្យុទាក់ទង នៅយប់ថ្ងៃអាទិត្យ សប្តាហ៍មុនអំឡុងពេលជើងហោះហើររបស់វាពីក្រុង Timika ទៅកាន់ទីជនបទ Illaga ហើយត្រូវបានប្រកាសថា បាត់ដំណឹងដោយអាជ្ញាធរឥណ្ឌូណេស៊ីនៅថ្ងៃចន្ទម្សិលមិញនេះ។

គួរបញ្ជាក់ដែរថា ដោយសារតែសណ្ឋានដីពោរពេញទៅដោយជួរភ្នំ និងព្រៃឈើ យន្តហោះគឺជាមធ្យោបាយ តែមួយគត់ដែលសក្តិសមក្នុងការដឹកជញ្ជូនទំនិញក៏ដូចជាមនុស្សនៅកាន់ខេត្ត Papua នៃប្រទេសឥណ្ឌូណេស៊ី ប៉ុន្តែអាកាសធាតុដែលងាយនឹងប្រែប្រួលនៅទីនោះ ជាញឹកញាប់បានបណ្តាលឲ្យការធ្វើដំណើរតាមផ្លូវអាកាស ប្រឈមនឹងគ្រោះថ្នាក់ជាទីបំផុត ដូចដែលធ្លាប់កើតមានជាច្រើនដងមកហើយ៕

ប្រភព ៖ ស៊ិនហួរ

ផ្តល់សិទ្ធដោយ ៖ ខ្មែរថកឃីង


Tags: Indonesia,  plane,  int news,  plane crash

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......