ស្ត្រីជនជាតិចិនដែលបានហែក ព្រះឆាយាល័ក្ខណ៍របស់ព្រះ មហាវីរក្សត្រ ត្រូវបានបញ្ជូនដល់តុលា

10:39 AM 23.10.2012
Print Email

ស្ត្រីជនជាតិចិនម្នាក់ ដែលបានហែកព្រះឆាយាល័ក្ខណ៍របស់ព្រះមហាវីរក្សត្រ ត្រូវបាននគរបាល
បញ្ជូនដល់តុលាការសាលាដំបូងរាជធានីភ្នំពេញ កាលពីព្រឹកថ្ងៃទី២៣ ខែតុលានេះ។

ស្ត្រីជនជាតិចិន ដែលជាអ្នកគ្រប់គ្រងរោងចក្រកាត់ដេរ ឈ្មោះ TOP WORLD ស្ថិតនៅសង្កាត់
ក្បាលកោះ ខណ្ឌមានជ័យ ដែលបានហែករូបថតព្រះឆាយាល័ក្ខណ៍ព្រះមហាវីរក្សត្រ សម្តេចឪ
នរោត្តម សីហនុ និងត្រូវបានអាជ្ញាធរឃាត់ខ្លួននាព្រឹកថ្ងៃទី២២ ខែតុលា កន្លងទៅ ត្រូវបានចោទ
ប្រកាន់ពីបទរំលោភរដ្ឋធម្មនុញ្ញ និងច្បាប់ព្រហ្មទណ្ឌរបស់ប្រទេសកម្ពុជា ដែលបានកំណត់ថា
អង្គអតីតព្រះមហាក្សត្រ មិនអាចរំលោភបានឡើយ។

ប្រភពពីកម្មករ កម្មការិនីរោងចក្រ និងអាជ្ញាធរ បានឲ្យដឹងថា នៅក្នុងរោងចក្រ ស្ត្រីជនជាតិចិន
នោះបានដណ្តើមយករូបព្រះឆាយាល័ក្ខណ៍ពីកម្មករ កម្មការិនី ដែលកំពុងកាន់យកចូលទៅក្នុង
រោងចក្រ ហើយហែកចោល ទើបធ្វើឲ្យកម្មកររាប់រយនាក់ផ្ទុះកំហឹងតវ៉ា និងទាមទារឲ្យទៅសុំ
ទោស និងកោរសក់ចំពោះទង្វើប្រមាថលើព្រះមហាវីរក្សត្រដូច្នេះ។

បន្ទាប់មក ស្ត្រីជនជាតិចិននោះត្រូវបានប៉ូលិសដាក់ខ្នោះ ហើយលុតជង្គង់ ថ្វាយបង្គំសូមទោស
ចំពោះមុខព្រះឆាយាល័ក្ខណ៍របស់ព្រះមហាវីរក្សត្រ នៅមុខរោងចក្រកាត់ដេរ ស្ត្រីជនជាតិចិនរូប
នេះ បច្ចុប្បន្នត្រូវបានបញ្ជូនទៅតុលាការក្រុងភ្នំពេញ ដើម្បីកាត់ទោសតាមច្បាប់។

សូមរំលឹកថា កាលពីប៉ុន្មានថ្ងៃមុន ស្ត្រីជនជាតិថៃម្នាក់ បម្រើការផ្នែកព័ត៌មាន នៅទូរទស្សន៍ប៉ុស្តិ៍
លេខ៣ របស់ថៃ ក៏ត្រូវបានគេរិះគន់យ៉ាងខ្លាំង ហើយនាងក៏បានសូមខមាទោសចំពោះកំហុស
អចេតនារបស់ខ្លួន ខណៈកំពុងផ្សាយព័ត៌មាននៅមុខព្រះបរមរាជវាំង ដែលពេលនោះ នាងបាន
ដាក់ព្រះឆាយាល័ក្ខណ៍របស់ព្រះមហាវីរក្សត្រ នៅក្បែរជើង។ ប៉ុន្ដែបើធៀបនឹងកំហុសរបស់ស្ដ្រីជន
ជាតិថៃ គេជឿថា ស្ដ្រីជនជាតិចិន មានកំហុសធំជាងច្រើនណាស់៕

ដោយ ៖ សូរីយ៉ា

Facebook Comments

Tags: chinese , woman , sent , court

ដែលមើលច្រើន

ប្រទេសទាំង ១០ ដែលមហាអំណាចអាមេរិក ជំពាក់លុយច្រើនបំផុត លើលោក

ប្រទេសចំនួន ១០ ដែលជាម្ចាស់បំណុលធំៗ នៃមហាអំណាចអាមេរិក ច្រើនជាងគេចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......

CamNews

ស្ត្រីជន​ជាតិចិនដែល​បាន​ហែក​ ព្រះ​ឆាយា​ល័ក្ខណ៍​របស់​ព្រះ មហាវីរក្សត្រ ត្រូវបាន​បញ្ជូន​ដល់​តុលា

ដែលមើលច្រើន

ស្ត្រីជនជាតិចិនដែលបានហែក ព្រះឆាយាល័ក្ខណ៍របស់ព្រះ មហាវីរក្សត្រ ត្រូវបានបញ្ជូនដល់តុលា