ប៉ូលិសបារាំង រឹបអូសបានសត្វសេះសមុទ្រងាប់ ២០០០ក្បាល ដែលកំពុងបញ្ជូនទៅកាន់វៀតណាម សំរាប់ធ្វើថ្នាំសម្រើប
(ប៉ារីស)៖ មន្ត្រីពន្ធគយបារាំងនៅថ្ងៃសុក្រ បានរឹបអូសសត្វសេះសមុទ្រងាប់ប្រមាណ២,០០០ក្បាល ជាសត្វដែលមានតម្លៃខ្ពស់ នៅក្នុងតំបន់អាស៊ី យកទៅប្រើប្រាស់ធ្វើជាថ្នាំបុរាណ និងធ្វើជាថ្នាំសម្រើបតណ្ហា នេះបើតាមសារព័ត៌មានស៊ិនហួ ចុះផ្សាយនៅយប់ថ្ងៃទី១៩ ខែសីហា ឆ្នាំ២០១៦នេះ។
សត្វសេះសមុទ្រងាប់ និងត្រូវបានហាលស្ងួតនេះ ត្រូវបានរកឃើញនៅថ្ងៃទី២៨ ខែកក្កដា និងថ្ងៃទី៨ ខែសីហា ដែលត្រូវបានគេលាក់ ក្នុងកញ្ចប់មួយបញ្ជូន តាមយន្តហោះមកពីប្រទេសហ្គីណេ ក្នុងគោលបំណងទៅកាន់ប្រទេសវៀតណាម។
មន្ត្រីពន្ធគយក្រុង Paris លោក Olivier Gourdon បានឲ្យដឹងថា សេះសមុទ្រ ជាសត្វដែលត្រូវបានការពារដោយអនុសញ្ញា ស្តីពីពាណិជ្ជកម្មអន្តរជាតិ លើសត្វជិតផុតពូជ ត្រូវបានរឹបអូសជាញឹកញាប់។ មន្ត្រីរូបនេះបន្តថា សត្វសេះសមុទ្រដែលតែងតែ ត្រូវបានជួញដូរពីប្រទេសនៅតំបន់អាហ្វ្រិក មកកាន់វៀតណាម ព្រមទាំងចិន និងជប៉ុនផងដែរ។
ក្រៅពីប្រើប្រាស់ជាថ្នាំបុរាណ និងថ្នាំសម្រើបតណ្ហា សត្វសេះសមុទ្រ ក៏ត្រូវបានគេលក់ឲ្យក្រុមភ្ញៀវទេសចរជាវត្ថុអនុស្សាវរីយ៍។
លោក Olivier Gourdon មិនបានបញ្ជាក់ពីតម្លៃ នៃសត្វសេះសមុទ្រដែលរឹបអូសបាននាពេលនេះនោះទេ ប៉ុន្តែនាពេលកន្លងទៅសត្វសេះសមុទ្រប្រមាណ ១៩,០០០ក្បាល ដែលបានរឹបអូសក្នុងខែកុម្ភៈ ឆ្នាំ២០១៥ ដែលកំពុងបញ្ជូនតាមផ្លូវពីប្រទេសម៉ាហ្គាដាស្កា ទៅកាន់ទីក្រុងហុងកុង ត្រូវបានគេប៉ាន់ស្មាន់ថា មានតម្លៃប្រមាណ២០០,០០០អឺរ៉ូ (២២៥,០០០ដុល្លារសហរដ្ឋអាមេរិក)៕
ប្រភព ៖ ស៊ិនហួរ
ផ្តល់សិទ្ធដោយ ៖ ហ្វ្រេសញូវអាស៊ី
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
