ព័ត៌មានអន្តរជាតិ ៖ អាជ្ញាធរឥណ្ឌូណេស៊ី បានធ្វើការរឹបអូស នឹងដុតចោល នូវទូកនេសាទមួយចំនួន ដែលកង កម្លាំងបានចាប់ ក្នុងដែនទឹករបស់ខ្លួន ពីសំណាក់ក្រុមអ្នកនេសាទថៃ និង វៀតណាម ដែលបានបំពាន ចូលធ្វើការនេសាទ ក្នុងដែនទឹករបស់ឥណ្ឌូណេស៊ីកន្លងមកនេះ ។ នេះបើ តាមការផ្សាយរបស់សារ ព័ត៌មានបាងកកប៉ុស្តិ៍ នៅថ្ងៃពុធ ទី២១ ខែតុលា ឆ្នាំ២០១៥។
នេះមិនមែនជារឿងថ្មី ឬ ក្តៅគគុកអ្វីទេសម្រាប់ឥណ្ឌូណេស៊ី ព្រោះអាជ្ញាធរដែនសមុទ្ររបស់ ប្រទេស នេះ ធ្លាប់បានប្រកាស កន្លងមកនេះ ជាច្រើនដង ហើយថា ប្រសិន បើខ្លួនចាប់បាន ទូកនេសាទបរ ទេស ណាមួយ ដែលចូលមកនេសាទខុស ច្បាប់ក្នុងដែនទឹករបស់ខ្លួន នោះ ឥណ្ឌូណេស៊ី នឹងធ្វើការ ដុតបំផ្លាញចោលតែម្តង ដោយគ្មានការលើកលែងអ្វីឡើយ។
គួរបញ្ជាក់ថា ទូកនេសាទ ថៃ និង វៀតណាម ខាងលើនេះត្រូវបាន ឆ្មាំការពារដែនសមុទ្រ របស់ ឥណ្ឌូ ណេស៊ី ចាប់បានកាលពី ឆ្នាំមុន ដោយ អ្នកនេសាទទាំងអស់ បានរត់ភៀសខ្លួនចេញ ទៅ តាមទូក ផ្សេង ទៀត ស្ថិតនៅដែនទឹក បាតាំ នៃខេត្តអាសេ របស់ឥណ្ឌូណេស៊ី ៕
ប្រភព ៖ បាងកកប៉ុស្តិ៍