ព័ត៌មានអន្តរជាតិ ៖ ទូរទស្សន៍ប៊ីប៊ីស៊ី បានផ្សព្វផ្សាយនៅថ្ងៃទី១៥ ខែកុម្ភៈ ឆ្នាំ២០១៥ថា លោក Lee Hsien Loong នាយករដ្ឋមន្ត្រីសិង្ហបុរី នៅថ្ងៃចន្ទនេះស្ថិតក្នុងការ វះកាត់រោគមហារីកក្រពេញ ។ នេះបើតាមសម្តីរបស់គណៈ រដ្ឋមន្ត្រី របស់លោក បានឲ្យដឹងយ៉ាងដូច្នេះ ។
គួរបញ្ជាក់ថា មន្ត្រីមកពីគណៈរដ្ឋមន្ត្រីបានបន្ថែមថា លោកនាយករដ្ឋដែល មាន វ័យ ៦៣ឆ្នាំ នឹងចាក ចេញ ពី មន្ទីរ ពេទ្យ ក្នុងអំឡុង ពេល១សប្តាហ៍ ប៉ុន្តែរំពឹងថានឹងបានជាសះស្បើយ នៅក្នុងពេលដ៏ខ្លី ខាងមុខនេះ ។
របាយការណ៍ បន្ត អោយ ដឹងថា លោក លី បានថ្លែងឲ្យដឹងនៅលើ ទំព័រហ្វេសប៊ុករបស់លោកថា "ខ្ញុំ បានត្រូវគេរៀបចំរួចជាស្រេច សម្រាប់ការវះកាត់ នៅថ្ងៃចន្ទ ជាមួយ នឹង ការវះកាត់ និងមានក្រុម គ្រូ ពេទ្យចំណានៗ" ។
គេ បាន ដឹង ថា លោកនាយករដ្ឋមន្ត្រី ធ្លាប់ មានជំងឺ មហារីក lymphoma (សាច់ដុះ) ម្តងរួចហើយ កាលពី ឆ្នាំ ១៩៩០ ដោយ ការព្យាបាលបានជោគជ័យ ។ ចំពោះវត្តមានរបស់ លោកនា យករដ្ឋ មន្ត្រី សិង្ហបុរីនាពេលនេះ ត្រូវបានលោក Teo Chee Hean ដែលជាឧបនាយករដ្ឋមន្ត្រី ដែលដឹកនាំប្រទេស តាំងពីឆ្នាំ២០០៤ ជាអ្នកដែលនឹងគ្រប់គ្រង រដ្ឋាភិបាលបណ្តោះអាសន្ន ។
គេបានដឹងថា ការបោះឆ្នោះសកលនឹងធ្វើឡើង នៅមុនឆ្នាំ២០១៧ ប៉ុន្តែមានអ្នកសង្កេតការណ៍ មួយ ចំនួនយល់ឃើញថា បើសិនជាអាចធ្វើបាន អាចក្នុងឆ្នាំនេះ ។ លោកលី ត្រូវបានគេដឹងថា លោកជា មេ បក្ស សកម្មភាពប្រជាជន ដែលមានអំណាចគ្រប់គ្រង ចាប់ពីឆ្នាំ១៩៥៩មកម្ល៉េះ ៕
ប្រភព ៖ ប៊ីប៊ីស៊ី និង ដើមអម្ពិល