អនុប្រធានរដ្ឋសភាបារាំង ចុះចេញពីតំណែង ក្រោយមានពាក្យបណ្ដឹងជាច្រើន ទាក់ទងរឿងរំលោភបំពានផ្លូវភេទ
(ប៉ារីស)៖ អនុប្រធានរដ្ឋសភាបារាំង លោក Denis Baupin បានលាលែងពីតំណែង បន្ទាប់ពីមានពាក្យបណ្ដឹងជាច្រើន ពាក់ព័ន្ធនឹងបទបំពារបំពានផ្លូវភេទ ពីសំណាក់ស្ត្រីជាច្រើននាក់ ក្នុងនោះក៏មានតំណាងរាស្ត្រស្ត្រីផងមួយចំនួនផងដែរ នេះបើយោងតាមការចេញផ្សាយរបស់សារព័ត៌មាន BBC ចេញផ្សាយនៅពេលថ្មីៗនេះ។
ក្នុងចំណោមអ្នកដាក់ពាក្យបណ្ដឹងនោះរួមមានលោកស្រី Sandrine Rousseau តំណាងរាស្ត្រ និងជាអ្នកនាំពាក្យ គណបក្ស EELV បានចោទប្រកាន់ថា នៅរវាងខែតុលា ឆ្នាំ២០១១ លោកស្រីត្រូវបានលោក Denis Baupin ចាប់រុញ ផ្ទប់នឹងជញ្ជាំង រួចយកដៃមកស្ទាបដើមទ្រូង ហើយបំរុងនឹងចាប់ថើបលោកស្រី តែលោកស្រីបានរុញច្រានត្រលប់ទៅវិញ ហើយមិនបានប្តឹងប្តល់ទេ ព្រោះខ្លាចកើតជាបញ្ហាក្នុងគណបក្ស និងមួយវិញទៀត លោកស្រីគិតថាវាអាចជារឿងសាមញ្ញ ដែលខ្លួនជាស្រី ត្រូវមនុស្សប្រុសមើលងាយបែបនេះ។
ចំណែកលោកស្រីអ្នកតំណាងរាស្ត្រ Isabelle Attard ដែលជាអតីសមាជិកគណបក្ស EELV ដែរ បានអះអាងថា នៅរវាងឆ្នាំ២០១២និង ២០១៣ លោកស្រីតែងតែទទួលបាននូវសារតាមទូរស័ព្ទ ដែលលោក Denis Baupin ផ្ញើមក សឹងតែរៀងរាល់ថ្ងៃ ដែលសារទាំងនោះ មានខ្លឹមសារអាសអាភាស ស្រើបស្រាល និងថោកទាបជាទីបំផុត។ មិនខុសពី គ្នាប៉ុន្មានឡើយ លោកស្រី Elen Debost ជំនួយការចៅហ្វាយក្រុង Le Mans បានរាយការណ៍ថា នៅរវាងឆ្នាំ២០១១ លោកស្រី បានទទួលសារតាមទូរស័ព្ទជាញឹកញាប់ អស់រយៈពេល៦ខែ ពីលោកDenis Baupin ដែលរៀបរាប់អំពី ចំណង់តណ្ហា និងភាពស្រើបស្រាលរបស់ខ្លួន។
ដើមហេតុដែលនាំឲ្យស្ត្រីទាំងនេះ ដាក់ពាក្យបណ្ដឹងនោះ គឺមកពីពួកគាត់ទាំងអស់ បានឃើញរូបថតមួយសន្លឹក ដែលលោក Denis Baupin បានថតជាមួយតំណាងរាស្ត្រផ្សេងទៀត ដោយយកក្រែមក្រហមលាបមាត់ ដើម្បីជាសារនយោបាយ ប្រយុទ្ធប្រឆាំងនឹងអំពើហឹង្សា ធ្វើទៅលើស្ត្រី។ សារនយោបាយ ដែលផ្ទុយស្រលះពីទង្វើនិង អត្តចរិកជាក់ស្តែងរបស់លោក Denis Baupin របៀបនេះ បានធ្វើឲ្យក្រុមស្រ្តីរងគ្រោះអត់ទ្រាំលែងបាន ទើបសម្រេច ទំលាយរឿងអាស្រូវ៕
ប្រភព ៖ ប៊ីប៊ីស៊ី
ផ្តល់សិទ្ធដោយ ៖ ហ្រ្វេសញូវអាស៊ី
- មេដឹកនាំពិភពលោក ចិន-អាមេរិក ណាត់ជួបគ្នាដោយផ្ទាល់ នៅអាទិត្យក្រោយ តើនឹងមានអ្វីកើតឡើង?? (30/03/2017 15:02:00)
- កាត់ក្បាល ប្រពន្ធ យួរពេញផ្លូវ រួចដុតសាកសព ផ្អើលគេផ្អើលឯង ទាំងកណ្តាលថ្ងៃ (30/03/2017 14:43:00)
- ដល់ក, មន្រ្តីទូតអាមេរិក ត្រូវចាប់ឃាត់ខ្លួន ជុំវិញការចោទប្រកាន់ ទទួលសំនូក រាប់ម៉ឺនដុល្លារពីចារកម្មចិន (30/03/2017 14:06:00)
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- ផ្ទុះបាតុកម្ម ហឹង្សា នៅកណ្តាលទីក្រុង ល្បី ក្រោយប៉ូលីស បាញ់សម្លាប់ជនជាតិ ចិន ដល់ផ្ទះ (29/03/2017 15:27:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ការពិត ចឹងសោះ បានជណ្តើរយន្ត គ្រោះថ្នាក់ វិល ថយក្រោយ បណ្តាលឲ្យមនុស្ស ១៨នាក់ របួស (មានវីដេអូ) (27/03/2017 15:40:00)
- សិស្សវិទ្យាល័យ ៦នាក់ រងនូវការសម្លាប់ ដោយបាក់ផ្ទាំងទឹកកក នាព្រឹកថ្ងៃច័ន្ទនេះ (27/03/2017 14:36:00)
- សូម្បីតែ អ្នកសំអាត ក៏ក្លាយជាអ្នកមានដែរ, Porsche ប្រកាសឲ្យ Bonus គ្រប់ៗគ្នា ក្នុង១នាក់ជិត 14.000$ (25/03/2017 09:59:00)
ព័ត៌មានអន្តរជាតិ ដែលមើលច្រើន
