CamNews

ស្វែងរកកំរិតខ្ពស់
ព័ត៌មានអន្តរជាតិ 

ន៎ុះ រកឃើញករណីឆ្លង Zika ៨ ករណីថ្មីនៅវៀតណាម សរុបកើនដល់ ៥៤ករណីហើយ

(ហូជីមិញ)៖ អាជ្ញាធរនៃប្រទេសវៀតណាមនៅថ្ងៃសុក្រនេះ បានតាមដានរកឃើញអ្នកឆ្លងវីរុស Zika ចំនួន០៨នាក់បន្ថែមទៀតនៅក្នុងទីក្រុងហូជីមិញ ដែលប្រការនេះបានធ្វើឲ្យករណីឆ្លងសរុបនៅក្នុងទីក្រុងមួយនេះផ្ទាល់កើនដល់៤៦នាក់ ហើយសម្រាប់នៅក្នុងប្រទេសទាំងមូលបានកើនឡើងដល់៥៤នាក់។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួរ នៅយប់ថ្ងៃសុក្រ ទី១៨ ខែវិច្ឆិកា ឆ្នាំ២០១៦។

គិតមកត្រឹមយប់ថ្ងៃសុក្រនេះ សង្កាត់ចំនួន១៣ក្នុងចំណោមទាំងអស់២៤ នៃទីក្រុងហូជីមិញ មានវត្តមានអ្នកផ្ទុកវីរុស Zika ហើយក្រៅពី៤៦នាក់នៅក្នុងទីក្រុងហូជីមិញ គេបានរកឃើញអ្នកឆ្លងវីរុសនេះនៅតាមបណ្តាខេត្តមួយចំនួនទៀតរួមមាន៖ ៤នាក់នៅខេត្ត Dak Lak និង Binh Duong និង៤នាក់ផ្សេងទៀតនៅខេត្ត Khanh Hoa, Phu Yen, Long An, និង Ba Ria Vung Tau។

ដើម្បីទប់ទល់ដោះស្រាយបញ្ហាវីរុស ដែលឆ្លងតាមរយៈសត្វមូសខាំនេះទីក្រុងហូជីមិញ បានសម្រេចចិត្តបង្កើតគណកម្មាធិការពិសេសមួយដើម្បីបង្ការការពារ និងប្រយុទ្ធប្រឆាំងនឹងវីរុសដែល កំពុងរាតត្បាតយ៉ាងខ្លាំងក្លានៅប្រទេសនាតំបន់អាស៊ីអាគ្នេយ៍នេះ ហើយម៉្យាងវិញទៀតអាជ្ញាធរនៅតាមបណ្តាទីក្រុង និងខេត្តនានានៅទូទាំងប្រទេសវៀតណាម បានបន្តចំណាត់ការក្នុងការស្វែងរកករណីឆ្លង នៃវីរុស Zika ឲ្យខ្លាំងជាងមុនបន្ថែមទៀត និងបានបង្កើនការបាញ់ថ្នាំដើម្បីកម្ចាត់ជម្រកសត្វមូស នៅតាមតំបន់ជាច្រើនផងដែរ៕



ប្រភព ៖ ស៊ិនហួរ

ផ្តល់សិទ្ធដោយ ៖ ហ្វ្រេសញូវអាស៊ី


Tags: Vietnam,  Asia,  Zika,  Int news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......