បញ្ហាមួយចំនួនដែលគួរយល់ដឹង ជាពិសេសអ្នកដែលឧស្សាហ៍ស្លេកស្លាំង

សុខភាព

បញ្ហាមួយចំនួនដែលគួរយល់ដឹង ជាពិសេសអ្នកដែលឧស្សាហ៍ស្លេកស្លាំង

03:48 PM 13.03.2018
Print Email

មនុស្សភាគច្រើន តែងតែជួបប្រទះនឹងបញ្ហាស្លេកស្លាំងជាប្រចាំ ខណៈដែលអ្នកខ្លះពុំបានចាប់អារម្មណ៍ពីវា ហើយមនុស្សជាច្រើនមិនបានដឹងថា បញ្ហានេះមកពីកត្តាអ្វីឡើយ។

តើភាពស្លេកស្លាំង គឺជាអ្វី?

ភាពស្លេកស្លាំង គឺជាការថយចុះនៃកម្រិតអេម៉ូក្លូប៊ីន (hemoglobin) នៅក្នុងកំហាប់ឈាម។

អេម៉ូក្លូប៊ីន (hemoglobin) គឺជាប្រូតេអ៊ីនគ្លូប៊ីល ដោយវាមានកំហាប់ខ្ពស់នៅក្នុងកោសិកាឈាមក្រហម។ មានន័យថា នៅពេលធ្វើតេស្ត ឃើញកម្រិតអេម៉ូក្លូប៊ីន ទាបជាងធម្មតា នោះបញ្ជាក់ថាកោសិកាឈាមក្រហមរបស់អ្នកកំពុងតែថយចុះហើយ។

អេម៉ូក្លូប៊ីន (hemoglobin) ទទួលខុសត្រូវក្នុងការដឹកជញ្ជូនអុកស៊ីសែន(O₂) ផ្តល់ទៅជាលិកាផ្នែកចុងៗ និងនាំយកកាបូនឌីអុកស៊ីត(CO₂) ត្រលប់ទៅសួតដើម្បីបញ្ចេញពីសារពាង្គកាយ។

កម្រិតធម្មតា៖ 12 - 16 ក្រាមក្នុងមួយដេស៊ីលីត្រ (ស្ត្រី) និង 13 -18 ក្រាមក្នុងមួយដេស៊ីលីត្រ (បុរស)។

តើនរណាអាចមានកម្រិតអេម៉ូក្លូប៊ីនទាប?

ទារក និងក្មេងជំទង់
ស្ត្រី ស្ថិតនៅអាយុបន្តពូជ
ស្ត្រី ដែលមានហូរឈាមមិនធម្មតា
មនុស្ស ដែលមានអាយុលើសពី 65 ឆ្នាំ
អ្នកជំងឺ ដែលមានការឆ្លងមេរោគ Helicobacter pylori
អ្នកហូបបួស
អ្នកជំងឺ ដែលមានឈាមហូរតាមបំពង់រំលាយអាហារ

រោគសញ្ញានៃភាពស្លកសាំង

អស់កម្លាំង ឬខ្សោយល្ហិតល្ហៃ

ស្បែកឡើងស្លេក ឬលឿង

មានអារម្មណ៍ថា ថប់ដង្ហើម ឬវិលមុខ

ការស្រេកទឹកហួសប្រមាណ

បែកញើស

ដកដង្ហើមលឿន

រមួលសាច់ដុំ នៅផ្នែកខាងក្នុងភ្លៅ

ចង្វាក់បេះដូងខុសប្រក្រតី

ដូច្នេះ បើលោកអ្នកមានរោគសញ្ញាដូចបានរៀបរាប់ខាងលើ ហើយមានសភាពស្លេកស្លាំង រូមទាំងជាបុគ្គលប្រឈមទៀតនោះ លោកអ្នកគួរតែប្រញាប់រួសរាន់ទៅជួបវេជ្ជបណ្ឌិត ដើម្បីទទួលយកការព្យាបាលមួយដ៏សមស្រប ៕