ការដេគ័រផ្ទះបែបស៊ីវិល័យ ៣ របៀប ដែលអ្នកពុំគួរមើលរំលង

ម៉ូដែល

ការដេគ័រផ្ទះបែបស៊ីវិល័យ ៣ របៀប ដែលអ្នកពុំគួរមើលរំលង

03:13 PM 31.07.2017
Print Email

គ្មានកន្លែងណា ល្អដូចផ្ទះឡើយ ព្រោះវាគឺជាកន្លែងតែមួយគត់ ដែលអ្នកអាចរស់នៅជាខ្លួនអ្នក (Be yourself) ដោយគ្មានសម្ពាធ និងមានសុវត្ថិភាព។ ហេតុនេះហើយ បានជាអ្នកត្រូវរៀបចំដេគ័រផ្ទះអ្នក ឲ្យបានស្អាត និងមានរបៀបរៀបរយតាមអត្តចរិករបស់អ្នក ព្រោះវានឹងបន្ថែមគុណតម្លៃសម្រាប់ការរស់នៅប្រចាំថ្ងៃផងដែរ។

ខាងក្រោមនេះ គឺជាគំនិតខ្លះៗ នៃការដេគ័រផ្នែកខាងក្នុងនៃផ្ទះ ដែលមានលក្ខណៈសាមញ្ញ ប៉ុន្តែមានអត្ថប្រយោជន៍ច្រើន និងមិនស៊ាំ។

១. ការកែច្នៃកន្លែងទំនេរ

ជាធម្មតាជញ្ជាំងនៅក្នុងបន្ទប់ដេក ត្រូវបានទំនេរទុកចោល ដូច្នេះអ្នកអាចកែច្នៃដោយរៀបចំជាធ្នើរតាំងសៀវភៅ ឬវត្ថុលម្អរផ្សេងៗ ដែលនឹងធ្វើឲ្យបន្ទប់អ្នកដូចជាបណ្តាល័យមួយ ពោរពេញទៅដោយចំណេះដឹងថ្មីៗ។

២. យកវត្ថុផ្សេងៗមកតាំងលម្អរតាមជញ្ជាំង

ដើម្បីធ្វើឲ្យផ្ទះរបស់អ្នកមានភាពទាក់ទាញ អ្នកគួរតែរៀបចំរូបគំនូរ ឬវត្ថុផ្សេងៗ ត្រឹមក្រសែភ្នែកមនុស្ស (eye-level)។ អ្នកអាចតាំងរូបគំនូរ រូបថត ឬវត្ថុផ្សេងៗ ជាមួយនឹងពណ៌ប្លែកៗ នៅកន្លែងទទួលភ្ញៀវ ឬតាមជញ្ជាំងជណ្តើរ ដែលវានឹងជួយលើកតម្កើងសម្រស់ និងអត្ថន័យក្នុងផ្ទះអ្នក។

៣. ផ្លាស់ប្តូរពណ៌បន្ទប់របស់អ្នក

ប្រសិនបើពណ៌បន្ទប់អ្នកចាស់ហើយ វាល្មមដល់ពេលដែលអ្នកលាបពណ៌ថ្មីហើយ។ ការលាបពណ៌បន្ទប់ថ្មី នឹងធ្វើឲ្យអ្នកមានអារម្មណ៍ស្រស់ស្រាយជាងមុន និងស្រលះខួរក្បាល។ ពណ៌នៃបន្ទប់គេងរបស់អ្នក ក៏មានឥទ្ធិពលដល់អត្ថចរិក និងការគេងរបស់អ្នកផងដែរ៕