ព័ត៌មានកំសាន្ត ៖ មហាជនសឹងតែមានការយល់ច្រឡំ នឹងចែកមិនដាច់ថា ម្នាក់ណាគឺជាតារាល្បីប្រចាំប្រទេសកូរ៉េ ហើយម្នាក់ណាគឺជាតារាល្បីវ័យក្មេងប្រចាំប្រទេសថៃណាស់ ព្រោះអីអ្នកទាំង ២ មានមុខមាត់ដូចជាកូនភ្លោះយ៉ាងចឹង ។
បើមើលមិនច្បាស់ទេ អ្នកគាំទ្រមួយចំនួនអាចច្រឡំថា តារាសម្ដែងវ័យក្មេងថៃ លោក James Jirayu ជាបងប្អូនភ្លោះនិង លោក Song Joong Ki ព្រោះអីថ្មីៗនេះក្រុមអ្នកគាំទ្រភាពយន្តភាគកូរ៉េ និងក្រុមអ្នកគាំទ្រនៅឯប្រទេសថៃបានយករូបភាពរបស់តារាសម្ដែងថៃ James Jirayu មកប្រៀបធៀបនិងបុរសសង្ហា Soong Joong Ki ។
គេមិនអាចបដិសេធបានទេថា តារាប្រុសទាំង២ពិតជាទម្រង់មុខដូចគ្នាពិតប្រាកដមែន ។ ដោយសារតែអ្នកទាំង ២ មានទម្រង់មុខតូចព្រមទាំងសម្បុរស្បែកប្រហាក់ប្រហែលគ្នា គ្រាន់តែលោក Soong Joong Ki មានអាយុដល់ទៅ ៣១ ឆ្នាំ រីឯលោក James Jirayu មានអាយុទើបតែ ២៣ ឆ្នាំប៉ុណ្ណោះ ប៉ុន្តែតារាល្បីទាំង ២ ប្រទេសរូបនេះនៅតែស្រស់សង្ហាប្រហាក់ប្រហែលគ្នា ៕
ប្រែសម្រួល ៖ គន្ធា
ប្រភព ៖ kapook