Rooney ត្រូវបាត់មុខ ១ខែកន្លះ ដោយសារតែបញ្ហារបួសជង្គង់ធ្ងន់ធ្ងរ
(មេនឆេស្ទើ)៖ កីឡាករខ្សែប្រយុទ្ធជួរមុខ Wayne Rooney នឹងត្រូវអវត្តមានពីក្លឹបបិសាចក្រហម Manchester United ៨ប្រកួត ស្មើនឹង៦សប្តាហ៍ ដោយសារតែបញ្ហារបួសជង្គង់ធ្ងន់ធ្ងរ កាលពីលេងចាញ់ក្រុមម្ចាស់ផ្ទះ Sunderland នៅ Premier League ថ្ងៃសៅរ៍សប្តាហ៍មុន ។
ទន្ទឹមនឹងនោះដែរ កីឡាករប្រធានក្រុមជម្រើសជាតិអង់គ្លេស ក៏អវត្តមានពេល Man Utd ប៉ះក្រុម FC Midtjylland ម៉ោង ១៖០០នាទី រំលងអាធ្រាត្រយប់នេះ ក្នុងក្របខណ្ឌ Europa League យប់នេះទៀត នេះបើតាមការបញ្ជាក់ឲ្យដឹងពីគ្រូបង្វឹក Louis van Gaal ថ្លែងប្រាប់ BBC នៅពេលដាក់ Rooney លេងពេញម៉ោងពេលប្រកួតចាញ់ Sunderland កាលពីរាត្រីថ្ងៃសៅរ៍ ២-១ នោះ ។
លើសពីនេះទៀត អតីតកីឡាករក្លឹប Everton ខាងលើនេះ ក៏អាចនឹងអវត្តមានពីក្រុមជម្រើសជាតិអង់គ្លេសប្រកួតមិត្តភាពទល់នឹងក្រុម ជម្រើសជាតិអាល្លឺម៉ង់ និងហូឡង់ចុងខែក្រោយនេះដែរ តែ Rooney មានឈ្មោះរួចហើយក្នុងការ បង្ហាញខ្លួនក្នុងព្រឹត្តិការណ៍ Euro 2016 នៅប្រទេសបារាំងថ្ងៃទី១០ មិថុនា ដល់ថ្ងៃទី១០ ខែកក្កដា ។
Rooney ស៊ុតបញ្ចូលទីបាន៧គ្រាប់ ពីការចូលលេងបាន៩ប្រកួតនាពេលកន្លងមកក្នុងរដូវកាលថ្មីឆ្នាំ២០១៥-២០១៦ តែមិនបានជួយឲ្យ Man Utd ឆ្លងផុតចេញពីពូលនៃ Champions League ឡើយ ហើយក្លឹបកំពុងឈរនៅលេខរៀងទី ៥បណ្តោះអាសន្ន តាមពីក្រោយក្រុមលេខ៤ Manchester City ៦ពិន្ទុ ៕
ផ្តល់សិទ្ធដោយ ៖ ហ្វ្រេសញូវអាស៊ី
- ភ្ញាក់ផ្អើល, Rooney នឹងទៅចិន ក្នុងពេលឆាប់ៗខាងមុខនេះ (24/02/2017 09:27:00)
- Rooney ជិតផ្លាស់ចេញពីអង់គ្លេស ទៅលេងនៅចិន ឬនៅទឹកដីអាមេរិកមែនទែនហើយ (13/10/2016 10:46:00)
- Rooney ប្រកាសចូលនិវត្តន៍ពីក្រុមជម្រើសជាតិអង់គ្លេស ក្រោយបញ្ចប់ World Cup 2018 នៅរុស្ស៊ី (31/08/2016 09:34:00)
- Rooney នឹងលេងឲ្យក្លឹប PSG នៅរដូវកាលក្រោយ? (20/04/2013 10:08:00)
- Rooneyត្រូវបានហាមអោយចូលលេងEuro2012បីប្រកួត (14/10/2011 15:10:00)
- អង់គ្លេសបានត្រឹម ២ស្មើរនិង Montenegro (08/10/2011 14:10:00)
កីឡាអន្តរជាតិ ដែលមើលច្រើន
