CamNews

ស្ទើរតែមិនគួរអោយជឿ ៖ ស្ត្រីម្នាក់ ត្រូវបានមន្រ្តីប៉ូលីស មកពីភាគខាងជើង​ រដ្ឋ Colorado សហរដ្ឋអាមេរិក ធ្វើការចាប់ឃាត់ខ្លួន ខណៈប្រឈមនឹង ការចោទប្រកាន់ ពីបទល្មើសព្រហ្មទណ្ឌ ខណៈ គាត់បានផ្តល់ជា សេវាកម្ម កាត់សក់ អាក្រាតកាយ ពោលគឺ មេជាង ជាអ្នកកាត់សក់អោយភ្ញៀវនោះ អាក្រាតកាយ នេះបើ យោងតាម ការដកស្រង់ អត្ថបទ ផ្សាយ ពីគេហទំព័រសារព័ត៌មាន បរទេស abcnews ។ មិនចំពោះករណី សេវាកម្ម អាក្រាតកាយ កាត់សក់អោយភ្ញៀវប៉ុណ្ណោះទេ តែ ប្រតិបត្តិការអាជីវកម្ម គ្មានអាជ្ញាប័ណ្ណស្រប
ច្បាប់ ជាឥទ្ធិពលចម្បង នាំអោយមានការចាប់ឃាត់ខ្លួន។

ទីភ្នាក់ងារ សារព័ត៌មានបរទេស Longmont Times-Call រាយការណ៍អោយដឹងថា ស្រ្តីជាម្ចាស់ហាង មាន វ័យ ៤៦ ឆ្នាំ ឈ្មោះ Suzette Hall ត្រូវបានមន្រ្តីប៉ូលីស ធ្វើការចាប់ឃាត់ខ្លួន កាលពីរាត្រី ថ្ងៃពុធ កន្លងទៅនេះ ពីបទប្រតិបត្តិការអាជីវកម្ម គ្មានអាជ្ញាប័ណ្ណស្របច្បាប់។ អតីតដៃគូជីវិត របស់ជនជាប់ចោទរូបនេះ បាន គូសបញ្ជាក់អោយដឹងថា នាងបានធ្វើការផ្សព្វផ្សាយ ជាមួយនឹងការផ្តល់ជូន នូវសេវាកម្ម មួយនេះ នៅតាមប្រព័ន្ធអនឡាញ អោយដឹងថា សេវាកម្មមួយនេះ មានតម្លៃ សើ្ននឹងសាច់ ប្រាក់ ៤៥ ដុល្លារ ក្នុងមួយលើកៗ។

                       បញ្ជាក់ ៖ នេះគ្រាន់តែជា រូបភាព ឯកសារ តំណាងតែប៉ុណ្ណោះ

បើយោងតាមសាលដីកាចុះធ្វើការចាប់ឃាត់ខ្លួន បុរសជាអតីតដៃគូ របស់នាង បានធ្វើការប្តឹងមន្រ្តីប៉ូលីស ពីករណីខាងលើនេះ ខណៈនាងខ្លួនឯងផ្ទាល់ មិនជឿថា ការធ្វើបែបនេះ វាខុសច្បាប់ និងមានសុវត្តិភាព។

បន្ថែមពីលើនេះ គាត់បន្តថា ហាងខាងលើនេះ មានវត្តមាននៅឯ Loveland  ខណៈកាលពីពេលកន្លងទៅ នាងក៏ធ្លាប់បាន ស្នើសុំអាជ្ញាប័ណ្ណស្របច្បាប់ ស្តីពី សេវាកម្មកាត់សក់អាក្រាតកាយ មួយនេះដែរ តែតាម ពិតទៅ គ្មានអាជ្ញាប័ណ្ណ ស្របច្បាប់បែបនេះនោះទេ៕

ប្រែសម្រួល ៖ កុសល
ប្រភព ៖ abcnews