តារាស្រី កូន ៤ រស់នៅជាមួយក្រចកដៃ វែងបំផុតក្នុងពិភពលោក

ប្លែកៗ

តារាស្រី កូន ៤ រស់នៅជាមួយក្រចកដៃ វែងបំផុតក្នុងពិភពលោក

10:49 PM 19.09.2013
Print Email

រហូតមកដល់ពេលនេះ Christine Walton នៅតែរក្សាបានជាជើងឯកនៃមនុស្សដែលមាន “ក្រចកដៃវែងបំផុត” ដែលត្រូវបានទទួលស្គាល់ដោយសៀវភៅឯតទគ្គកម្មពិភពលោក Guinness កាលពីឆ្នាំ ២០១១ ។

តារាចម្រៀងស្រី វ័យ ៤៦ឆ្នាំ ជនជាតិអាមេរិក នាង Christine Walton មិនត្រឹមតែល្បីឈ្មោះក្នុងវិស័យសិល្បៈប៉ុណ្ណោះទេ នាងថែមទាំងត្រូវបានមនុស្សក្នុងពិភពលោកស្គាល់ ដោយសារតែក្រចកដៃទាំងអស់ដ៏វែងរបស់នាង។

ចាប់តាំងពីឆ្នាំ ១៩៩០ Christine Walton បានសម្រេចចិត្ត មិនកាត់ក្រចកដៃ ហើយថែមទាំងបានថែបំប៉នវារហូតដល់ពេលនេះ។ បច្ចុប្បន្ន ក្រចកដៃខាងឆ្វេង មានប្រវែងសរុប ៣,៣៥ម៉ែត្រ ចំណែកក្រចកដៃខាងស្ដាំ ប្រវែង ៣,០៥ម៉ែត្រ។

តារាចម្រៀងកូន ៤នាក់ មកពី Las Vegas រូបនេះ ឱ្យដឹងថា ប្រាក់ចំណាយសម្រាប់ថែទាំក្រចកដៃទាំងនេះ មិនអស់ច្រើនប៉ុន្មាននោះទេ។ Christine Walton បន្ដថា ៖ “ដើម្បីថែរក្សា នាងខ្ញុំត្រូវធ្វើឱ្យខ្លួនឯង ដូច្នេះវាមិនអស់លុយច្រើន។

ម្ចាស់ឯតទគ្គកម្មនេះ បង្ហើបឱ្យដឹងថា រៀងរាល់ ៣ខែម្ដង នាងត្រូវរូសក្រចកម្ដង និងលាបទឹកថ្នាំមួយជាន់បន្ថែមទៀត។

នៅពេលទទួលបានតំណែងនេះ Walton មានការភ្ញាក់ផ្អើលណាស់ ដោយនាងបានថ្លែងថា ៖ “នាងខ្ញុំពិតជាសប្បាយចិត្ត ហើយចង់ឱ្យគេបាននឹកឃើញដល់នាងខ្ញុំ តាមរយៈប្រការពិសេសអ្វីមួយ” ។