CamNews

យុគសម័យទឹកកក (ice age) ថ្មីមួយ ជិតនឹងកើតឡើង នៅទ្វីបអឺរ៉ុប ក្រោយពេលក្រុមអ្នកវិទ្យា
សាស្ដ្រ រកឃើញថា ព្រះអាទិត្យធ្វើសកម្មភាពខ្សោយជាងមុន។

រូប​ភាព​បង្ហាញ​ពី​សកម្ម​ភាព​ផ្ទុះ​ឆេះ នៅ​លើ​ផ្ទៃ​ព្រះ​អាទិត្យ

ការផ្ទុះនៅលើផ្ទៃនៃព្រះអាទិត្យ គួរតែឈានដល់កម្រិតកំពូល ក្នុងវដ្ដ ១១ឆ្នាំម្ដង នៃសកម្មភាព
របស់វា ប៉ុន្ដែ ចំនួននៃករណីផ្ទុះ បានថយចុះគួរឱ្យភ្ញាក់ផ្អើល។

អ្នកវិទ្យាសាស្ដ្រផ្នែករូបវិទ្យាអវកាសម្នាក់  ឱ្យដឹងថា  លោកមិនធ្លាប់បានឃើញមានការធ្លាក់ចុះ​យ៉ាងដូច្នេះទេ  ក្នុងការងាររយៈពេល ៣០ឆ្នាំរបស់គាត់   ហើយលោកមានការ ព្រួយបារម្ភថា
សីតុណ្ហភាព អាចនឹងធ្លាក់ចុះទាប រហូតដល់ធ្វើឱ្យទន្លេ Thames របស់អង់គ្លេស ក្លាយជាទឹកកក ទាំងស្រុង។

ប្រធានក្រុមអ្នកវិទ្យាសាស្ដ្រផ្នែករូបវិទ្យាអវកាស នៃមន្ទីរស្រាវជ្រាវ Rutherford Appleton នៅ Oxfordshire លោក Richard Harrison បានប្រាប់ BBC ថា ៖ “យើងនឹងត្រូវវិលទៅរកសម័យ ១០០ឆ្នាំមុន ដែលជាយុគ្គសម័យព្រះអាទិត្យ ធ្វើសកម្មភាពខ្សោយ”។

រណ្ដៅ​នៅ​លើ​ព្រះអាទិត្យ គឺ​ជា​កន្លែង​ដែល​បញ្ចេញ​កំដៅ​ខ្លាំង​ (រូប ៖ DM)

មួយក្នុងចំណោមសម័យដែលព្រះអាទិត្យធ្វើសកម្មភាពខ្សោយបំផុត នារយៈពេលចុងក្រោយ
នេះ គឺក្នុងសតវត្សទី ១៧ ដែលត្រូវគេហៅថា ដំណាក់កាល Maunder Minimum ។ ពេលនោះ
រដូវរងា ត្រជាក់ដល់ឆ្អឹងខ្នង បានគ្របដណ្ដប់ទ្វីបអឺរ៉ុបទាំងមូល។ សម័យត្រជាក់នោះ មិនត្រឹមតែ បានបង្កកទន្លេ Thames នោះទេ តែក៏ធ្វើឱ្យទឹកសមុទ្រ Baltic ត្រូវលិចក្រោមទឹកកកផងដែរ។

បណ្ឌិត Lucie Green មកពីមន្ទីរស្រាវជ្រាវវិទ្យាសាស្ដ្រអវកាស Mullard នៃសកលវិទ្យាល័យ
College London ថ្លែងនៅលើទំព័រ BBC ថា ៖ “បញ្ហានេះ ធ្វើឱ្យខ្ញុំ និងអ្នកវិទ្យាសាស្ដ្រស្រាវជ្រាវ អំពីព្រះអាទិត្យ ពិតជាមានការភ្ញាក់ផ្អើល”។

ប្រជា​ជន​ក្រុង​ឡុងដ៍ សប្បាយ​ និង​ធ្វើ​សកម្ម​ភាព​ នៅ​លើ​ទឹកកក ក្នុង​ទន្លេ Thames
នា​សត​វត្ស​ទី​ ១៧

លោក Green ថ្លែងថា ៖ “ព្រះអាទិត្យហាក់ដូច​ជា​ កំពុងងងុយគេង។ មានសញ្ញាមួយចំនួន បង្ហាញ
ថា  ព្រះអាទិ្យ  កំពុងធ្វើសកម្មភាព ​ ស្រដៀងទៅនឹងដំណាក់កាលមុនយុគសម័យ  Maunder
Minimum” ។ ក្រុមអ្នកវិទ្យាសាស្ដ្រ កំពុងព្រួយបារម្ភថា ករណីសកម្មភាពថយចុះរបស់ព្រះអាទិត្យ
នេះ នឹងមានការប្រែប្រួលដែរ ឬយ៉ាងណា។

អត្ថបទ​សំខាន់​ៗគួរ​ចាប់​អារម្មណ៍ ៖​

សមត្ថភាពទាយដឹងពីអនាគត គឺគ្រាន់តែជា ដំណើរការ នៃខួរក្បាល

ណាត់ជួបមិត្តប្រុសដំបូង មិនគួរស្លៀកពាក់ បែបណា?

វិធីសង្រ្គោះជីវិតខ្លួនឯង ពេលកប៉ាល់ ឬ​ទូកលិច

ប្រែសម្រួលដោយ ៖ តារា
ប្រភព ៖ BBC/Youtube