CamNews

ស្វែងរកកំរិតខ្ពស់

ប្រទេសឥណ្ឌូនេស៊ីមានចំនួនភ្ញៀវទេសចរណ៍ដល់ទៅ ៧.៦លាននាក់នៅក្នុងឆ្នាំ២០១១

ចំនួនភ្ញៀវទេសចរណ៍អន្តរជាតិដែលធ្វើដំណើរទៅកាន់ប្រទេសឥណ្ឌូនេស៊ីត្រូវបានគេ
ព្យាករណ៍ថានឹងកើនឡើងដល់ ៧.៦លាននាក់នៅក្នុងឆ្នាំនេះដែលកាលពីឆ្នាំកន្លងទៅ
មានចំនួន៧លាននាក់,​ នេះបើតាមប្រសាសន៍របស់លោកអនុរដ្ឋមន្រ្តីក្រសួងទេសចរណ៍
របស់ប្រទេសឥណ្ឌូនេស៊ីលោក សាបតា ណឺវ៉ាន់ដា ដែលបាននិយាយនៅថ្ងៃព្រហស្បត្តិ៍
នេះ។
ចំនួន ៧.៦លាននាក់នេះគឺមានចំនួនខ្ពស់ជាងគោលដៅមធ្យមដែលមានចំនួនត្រឹមតែ
៧.៥លាននាក់ប៉ុណ្ណោះ តែមានចំនួនតិចជាងបន្តិចចំពោះគោលដៅសុទិដ្ឋិនិយមដែល
មានចំនួន ៧.៧លាននាក់។ លោកអនុរដ្ឋមន្ត្រីបាននិយាយថា "ចំនួន ៧.៦លាននាក់នេះ
គឺជាជោគជ័យមួយដ៏ល្អប្រសើរសំរាប់ប្រទេសយើង, ពីព្រោះដើម្បីសំរេចជោគជ័យនេះ
បានគឺយើងត្រូវជួបប្រទះជាមួយបញ្ហាប្រឈមយ៉ាងច្រើនផងដែរ"។
គាត់បានបន្ថែមទៀតថាបញ្ហាផ្ទៃក្នុងមួយចំនួនក៏បានធ្វើអោយប៉ះពាល់ដល់ចំនួនភ្ញៀវ
ទេសចរណ៍បរទេសមកកាន់ឥណ្ឌូនេស៊ីផងដែរតែទោះបីជាយ៉ាងណាក៏ដោយនៅមាន
ឪកាសបន្តទៀតដែលការព្យាករណ៍អាចនឹងមានការផ្លាស់ប្តូរ។
ក្នុងនោះផងដែររដ្ឋាភិបាលបានរំពឹងថាទឹកប្រាក់ប្រមាណជាង ៨.៤ពាន់លានដុល្លានឹង
ត្រូវបានធ្វើការចំណាយដោយភ្ញៀវទេសចរណ៍ទាំងនោះដែលវាមានចំនួនច្រើនជាងឆ្នាំ
មុនដែលមានចំនួន ៧.៦ពាន់លានដុល្លា។
គួរបញ្ជាក់ផងដែរថានៅក្នុងឆ្នាំក្រោយនេះប្រទេសឥណ្ឌូនេស៊ីក៏បានរំពឹងដែលថាភ្ញៀវ
ទេសចរណ៍បរទេសនឹងមានចំនួនកើនឡើងដល់ ៨លាននាក់ ក្នុងពេលដែលរដ្ឋាភិបាល
កំពុងតែធ្វើការផ្សព្វផ្សាយដើម្បីទាក់ទាញភ្ញៀវទេសចរណ៍របស់ប្រទេសចិន, ឥណ្ឌា និង
អូស្រ្តាលី៕

កោះបាលីតំបន់ទេសចរណ៍ដ៏សំខាន់របស់ឥណ្ឌូនេស៊ី
ដោយ វឌ្ឍនា

Tags: indonesia, tourist, mln

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......