CamNews

តំណាងនគរបាល San Diego បានអោយដឹងថា ទាហានពិសេសស្ថិតក្នុងកងកម្លាំងជើងទឹក
អាមេរិក (SEAL) បានប្រើកាំភ្លើងដៃបាញ់ក្បាលរបស់ខ្លួនដោយអចេតនា ប៉ុន្ដែត្រូវបានជួយ
សង្គ្រោះទាន់ពេល។
នាយនគរបាលម្នាក់ឈ្មោះ Frank Cali បានថ្លែងថា ហេតុការណ៍នេះបានកើតឡើងកាលពី
ព្រឹកព្រលឹម ថ្ងៃទី ៥មករាកន្លងទៅ នៅក្នុងផ្ទះរបស់នាយទាហាន SEAL ខាងលើដែលស្ថិត
នៅក្បែរឆ្នេរសមុទ្រ។
ក្នុងការបញ្ចេញភាពក្លាហានក្នុងហាងមួយ នៅចំពោះមុខស្រីស្នេហ៍ដែលខ្លួនទើបស្គាល់បាន
ប៉ុន្មានខែមុន នាយទាហាននោះបានដកកាំភ្លើងខ្លីរបស់ខ្លួនចេញពីចង្កេះ រួចផ្ជង់ក្បាលខ្លួន
ឯង បន្ទាប់មកបុរសនេះក៏កេះកាំភ្លើងបណ្ដាលអោយគ្រាប់បាញ់ចំក្បាល។
តាមការពិត នាយទាហាននេះមិនមានបំណងបាញ់ខ្លួនឯងនោះទេ គេគ្រាន់តែចង់បង្ហាញពី
ភាពក្លាហាន ឬកាយវិការបែបអ្នកលេងតែប៉ុណ្ណោះ ដោយខ្លួនបានយកគ្រាប់ចេញពីកាំភ្លើង
នោះរួចហើយ ប៉ុន្ដែជាអកុសល ក្នុងកាំភ្លើងនោះនៅសល់គ្រាប់កាំភ្លើងមួយគ្រាប់ទៀតដែល
ខ្លួនមិនបានយកចេញ ទើបបណ្ដាលអោយកើតជាបញ្ហានេះ។
ក្រោយពីហេតុការណ៍អាក្រក់នោះបានកើតឡើង នាយទាហានរបស់ SEAL ម្នាក់នោះក៏ត្រូវ
បានគេបញ្ជូនទៅកាន់មន្ទីរពេទ្យសង្គ្រោះបន្ទាន់។ ការវះកាត់យកគ្រាប់ចេញត្រូវបានធ្វើឡើង
បុរសនោះក៏បានរូចផុតពីក្ដីស្លាប់។

នៅក្នុងកងទ័ពជើងទឹកអាមេរិក បណ្ដាក្រុមពិសេសរបស់ SEAL គឺជាក្រុមដែលមានការហ្វឹក
ហាត់ម៉ត់ចត់ជាទីបំផុត និងតែងត្រូវបានដាក់លេខ ពីក្រុមលេខ ១ ដល់ក្រុមលេខ ៥ និងពី
ក្រុមលេខ ៧ ដល់ក្រុមលេខ ១០។
ចំណែកក្រុមលេខ ៦ (ST6) ត្រូវបានគេអធិប្បាយថា ជាក្រុម​ "កំពូលសម្រាំងលើកំពូល
សម្រាំង" ឬក៏ហៅថា "ក្រុមនៃតារា"។ ក្រុមទី ៦នេះ មានឈ្មោះល្បីល្បាញខ្លាំងបន្ទាប់ពីបាន
ចូលរួមក្នុងការវាយប្រហារពិសេសដើម្បីកំចាត់មេភេរវជន Osama bin Laden ៕