ស្រ្តីជនជាតិចិន ដែលបានហែកព្រះឆាយាលក្ខណ នៃព្រះមហាវិរក្សត្រ ត្រូវបានបញ្ជូនទៅស្នងការនគរបាល

08:25 AM 23.10.2012
Print Email

ស្រ្តីជនជាតិចិន ដែលជាអ្នកគ្រប់គ្រងរោងចក្រថបវើល ក្នុងខណ្ឌមានជ័យ ត្រូវបានបញ្ជូនទៅ
ស្នងការនគរបាលរាជធានីភ្នំពេញ កាលពីព្រឹកថ្ងៃច័ន្ទ បន្ទាប់ពីកម្មករចោទថា បានហែកព្រះ
ឆាយាល័ក្ខណ៍របស់ព្រះមហាវីរក្សត្រ ព្រះបាទនរោត្តមសីហនុ។

កាលពី ថ្ងៃច័ន្ទ កម្មករ-កម្មការនីរោងចក្រ ថបវើល នៅក្បាលកោះ ក្នុងខណ្ឌមានជ័យ ជាង
១០០០នាក់ រួមទាំងប្រជាពលរដ្ឋប្រមាណជា ៥០០នាក់ប្រមូលផ្តុំគ្នានៅរោងចក្រថបវើល បង្ខំ
ឲ្យអ្នកគ្រប់គ្រងរោងចក្រថបវើលជនជាតិចិនរូបនេះ កោរសក់កាន់ទុក្ខ និងសុំទោសព្រះមហាវីរ
ក្សត្រ ព្រោះអ្នកគ្រប់គ្រងរូបនេះ បានហែក និងជាន់ព្រះឆាយាល័ក្ខណ៍របស់ព្រះមហាវីរក្សត្រ។

មន្រ្តីអង្កេតការសហជីពសេរីកម្មករ លោក យ៉ាន់ កែវពិសី មានប្រសាសន៍ថា រហូតមកដល់ពេល
នេះ អ្នកគ្រប់គ្រងជនជាតិចិននេះ ត្រូវបានបញ្ជូនទៅស្នងការនគរបាលរាជធានីភ្នំពេញ បន្ទាប់
ពីបានចរចាជាមួយកម្មករ និងអាជ្ញាធរនៅសាលាខណ្ឌបរាជ័យ។ លោកថា អាជ្ញាធរបានឲ្យជន
ជាតិចិនរូបនោះ ថ្វាយបង្គំសូមអភ័យទោស ចំពោះព្រះឆាយាល័ក្ខណ៍របស់ព្រះអង្គ នៅខាងមុខ
រោងចក្រ ៖ “ប៉ិនដល់ពេលចរចាគ្នាហ្នឹងអត់ត្រូវ យកចេញអត់រួច គេក៏រាយការណ៍ទៅខាងស្នង
ការហ្នឹង ហើយខាងស្នងការហ្នឹងក៏ចុះមក ហើយក្រោយពីមានការសុំទោសនៅពីមុខរោងចក្រហ្នឹង
អីហើយ ខាងស្នងការហ្នឹងយកទៅស្នងការតែម្តង”។

ប្រធានក្រុម កម្មករ អ្នកស្រី សំ អ៊ិនស្រីយន់ មានប្រសាសន៍ថា រហូតមកដល់ពេលនេះ កម្មករ
ទាំងអស់បានរំសាយ និងត្រឡប់ទៅផ្ទះវិញ តែអ្នកស្រីបន្តថា កម្មករនៅតែអះអាងថា ថ្ងៃស្អែក
នេះ ពួកគេនឹងមិនធ្វើការនោះទេ គឺនៅរង់ចាំស្តាប់ដំណោះស្រាយពីការដាក់ទណ្ឌកម្មលើអ្នក
គ្រប់គ្រងជនជាតិចិនរូបនោះ ជាមុនសិន។

អធិការនគរបាលខណ្ឌមានជ័យ លោក ហ៊ី ណាវិន បដិសេធអធិប្បាយ ដោយលោកគ្រាន់តែ
អះអាងថា ជនជាតិចិនរូបនោះ ត្រូវបានបញ្ជូនទៅស្នងការនគរបាលរាជធានីភ្នំពេញរួចហើយ
៖ “អូហ្នឹងហើយ រឿងហ្នឹងយកទៅក្រុង នេះគ្រាន់តែកើតឡើងនៅហ្នឹង ឥឡូវបញ្ជូនទៅស្នងការ”។

ដោយ ៖ ចិន្ដា

Facebook Comments

Tags: chinese , woman , king , photo

ដែលមើលច្រើន

ប្រទេសទាំង ១០ ដែលមហាអំណាចអាមេរិក ជំពាក់លុយច្រើនបំផុត លើលោក

ប្រទេសចំនួន ១០ ដែលជាម្ចាស់បំណុលធំៗ នៃមហាអំណាចអាមេរិក ច្រើនជាងគេចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......

CamNews

ស្រ្តី​ជន​ជាតិ​ចិន​​​ ដែលបានហែកព្រះឆាយាលក្ខណ នៃព្រះមហាវិរក្សត្រ​ ត្រូវបានបញ្ជូន​ទៅ​ស្នង​ការនគរបាល

ដែលមើលច្រើន

ស្រ្តីជនជាតិចិន ដែលបានហែកព្រះឆាយាលក្ខណ នៃព្រះមហាវិរក្សត្រ ត្រូវបានបញ្ជូនទៅស្នងការនគរបាល