CamNews

ម៉ូតូ របស់ Suzuki ត្រូវបានបំពាក់ឡូហ្គូ Ferrari មានភ្លើងហ្វ្លាស LED , ផ្ទាំងបញ្ជាមានសញ្ញា
Ferrari និងកង់ Lexan ដែលមានតម្លៃ ១០.០០០ដុល្លារ។

ពេលបានឃើញម៉ូតូនេះ មនុស្សភាគច្រើនយល់ថា វាជាផលិតផលមួយដែលត្រូវបានបង្កើត
ឡើងដោយក្រុមហ៊ុនម៉ូតូ Ferrari របស់អ៊ីតាលី និង Suzuki ប៉ុន្ដែតាមការពិត វាគ្រាន់តែជា
ម៉ូតូមួយគ្រឿងដែលត្រូវបានគេបង្កើតឡើងតាមគំនិតឯកជនតែប៉ុណ្ណោះ។

ម្ចាស់របស់ម៉ូតូនេះគឺលោគ Carlos del Cid គឺជាអ្នកចូលចិត្តប្រើប្រាស់ផលិតផលរបស់ក្រុម
ហ៊ុន Ferrari។ លោក Carlos del Cid ថ្លែងថា​ ៖ "Ferrari គឺជាម៉ូតូដែលខ្ញុំចូលចិត្ដ ខណៈដែល
Suzuki Hayabusa គឺជាម៉ូតូដែលមានអំណាចបំផុតក្នុងទីផ្សារបច្ចុប្បន្ន" ។ ដូច្នេះ គាត់ក៏បាន
បង្កើតការរួមផ្សំនេះឡើង។

ដោយមានគំនិតនេះ Carlos del Cid បានធ្វើដំណើរទៅកាន់ក្រុមហ៊ុន Extreme Kreations
(អាមេរិក) ភ្លាមនោះ ក្រុមហ៊ុននេះក៏បានចាប់ផ្ដើមធ្វើតាមគំនិតរបស់គាត់។

ម៉ូតូនេះត្រូវបានបង្កើតឡើងដោយការរួមផ្សំរវាង Ferrari និង Suzuki Hayabusa ។


ដើម្បីធានាអោយបានល្អបំផុតសម្រាប់កំពូលម៉ូតូរបស់ខ្លួន លោក Carlos del Cid បានស្នើ
អោយមានការប្រុងប្រយ័ត្នតាំងពីចំណុចតូចបំផុត ដូចជា ប៊ូឡុង ហ្វ្រាំង។ល។ ប៉ុន្ដែ ចំណុច
សំខាន់របស់ម៉ូតូនេះគឺ កង់ Lexan ដែលមានតម្លៃ ១០.០០០ដុល្លារ។

ចំណុចមួយចំនួនដែលត្រូវបានកែប្រែរួមមាន បំពង់ផ្សែង Boz Brothers ត្រូវបានដាក់បាញ់
មកខាងស្ដាំ តម្រងប្រេងសាំង K&N និងសម្បកកង់ Avon ។

ម៉ូតូនេះបំពាក់ដោយម៉ាស៊ីនចំនួន ៤ 1.340cc និងមានកម្លាំង ១៩៧សេះ អាចបង្កើនល្បឿន
ពី ០ទៅ ១០០គីឡូម៉ែត្រក្នុងរយៈពេល ២,៨វិនាទី។ ល្បឿនដែលត្រូវបានទទួលស្គាល់ដោយ
Suzuki Hayabusa គឺ ៣០៥ គីឡូម៉ែត្រ/ម៉ោង និងតម្លៃលក់របស់វាគឺ ១៣.០០០ដុល្លារ៕