សាច់ជូរ៖ថ្នាំព្យាបាលក្លិនក្លៀក

យល់ដឹង

សាច់ជូរ៖ថ្នាំព្យាបាលក្លិនក្លៀក

07:03 AM 21.03.2012
Print Email

ក្លិនខ្លួន ជាពិសេសគឺក្លិននៅត្រង់ក្លៀក គឺជាកត្ដាមួយធ្វើអោយបាត់បង់ភាពជឿជាក់របស់
អ្នក ប្រសិនក្លៀករបស់អ្នកមានក្លិនមិនល្អ អ្នកអាចប្រើប្រាស់សាជូរ(សាច់ជូរ) ឬទទួលទាន
អាហារអោយបានត្រឹមត្រូវដើម្បីកាត់បន្ថយក្លិន។

ខាងក្រោមនេះ គឺវិធីមួយចំនួនដែលអ្នកជួយកាត់បន្ថយការក្លិនខ្លួនបានយ៉ាងមានប្រសិទ្ធិ
ភាព ៖

សាច់ជូរត្រូវបានអ្នកវិទ្យាសាស្ត្រហៅថា alum មានប្រសិទ្ធិភាពកំចាត់មេរោគ បានយ៉ាង
ល្អ ហើយតាមការពិត ប្រភេទថ្នាំបុរាណព្យាបាលការក្លិនខ្លួនគឺជាសាច់ជូរនេះហើយ។

មានពីរវិធីក្នុងការច្នៃឱសថពីសាច់ជូរ ៖
ទីមួយ ៖ ដាំសាច់រហូតដល់វាអស់ជាតិទឹក រួចយកទៅកិនឧ្យម៉ត់ លាយជាមួយម្សៅ talc
កម្រិត៥០% ហើយយកមកលាបត្រង់កន្លែងដែលតែងតែបញ្ចេញក្លិនពិបាកទ្រាំដូចជា
ក្លៀកជាដើម។

វិធីទីពីរ ដុសសាច់ជូរជាមួយទឹក ឬដាក់សាច់ជូរទៅក្នុងស្រា និងបន្ថែមទឹកអប់បន្តិចចូល
ទៅក្នុងនោះ ហើយយកវាមកញីត្រង់កន្លែងដែលបញ្ចេញញើសមិនល្អនៅមុនពេលចេញ
ទៅក្រៅ។

វិធីមួយទៀតក្នុងការប្រើសាច់ជូរ នោះគឺនៅពេលងូតទឹកអ្នកអាចដាក់សាច់ជូរមួយដុំចូល
ក្នុងទឹកសម្រាប់ងូត បែបនេះវានឹងជួយកាត់បន្ថយក្លិនខ្លួនបានមួយកម្រិតធំ។

ប៊ឺតក្លិនដោយអំបិលម៉ត់
លាយអំបិលម៉ត់ជាមួយទឹក រួចប្រើកន្សែងស្អាតជ្រលក់ទឹកនោះ យកមកលាបលើកន្លែង
បញ្ចេញញើសដើម្បីកំចាត់ និងទប់ស្កាត់ការរាតត្បាតរបស់មេរោគបង្កក្លិន។ ក្រៅពីនេះ
អ្នកអាចរោយអំបិលម៉ត់បន្តិចចូលទៅក្នុងចានដែកបោកខោអាវ ឬម៉ាស៊ីនបោកគក់ដើម្បី
បំបាត់ក្លិនដែលបន្សល់ទុកនៅលើខោអាវ។

ចំពោះស្បែកជើងក៏ដូច្នោះដែរ គឺអាចរោយអំបិលបន្តិចលើស្បែកជើង។ អំបិលនេះនឹង
ស្រូបយកក្លិនមិនល្អ និងការពារមិនឧ្យមេរោគរីកចម្រើនបាននៅក្នុងស្បែកជើងដែលមាន
ជាតិសំណើរ។

កំចាត់មេរោគដោយក្រូចឆ្មារ
ក្រូចឆ្មារមានប្រសិទ្ធិភាពខ្ពស់ក្នុងការកំចាត់មេរោគ។ អ្នកក៏អាចយកក្រូចឆ្មារមកលាប
ត្រដុសត្រង់ក្លៀកក្រោយពីងូតទឹករួច៕

ដោយ ៖ សូរីយ៉ា
ប្រភព ៖ LD