CamNews

ផ្លែចេក ស្រ្ដូបូរី ទឹកដោះគោជូ ឬប្រទាលកន្ទុយក្រពើជាដើម គឺជាអាហារល្អសម្រាប់សុខភាព
ស្បែក និងសម្រស់របស់អ្នក។
ស្បែករបស់អ្នកមិនស្រស់ថ្លា មិនម៉ត់រលោងមែនទេ? បើដូច្នេះ ការតុបតែងផាត់មុខដើម្បីទៅ
ចូលរួមក្នុងពិធីជប់លៀងផ្សេងៗ ក៏ពិបាកក្នុងការលាក់បាំងចំនុចអាក្រក់ដែលមាននៅលើផ្ទៃ
មុខរបស់អ្នក។ ដំណោះស្រាយល្អគឺថា អ្នកគួរតែធ្វើអាហារសាមញ្ញបរិភោគជារៀងរាល់ថ្ងៃ
ដើម្បីជួយអោយស្បែកមានភាពមាំមួនពីខាងក្នុង។ អាហារលាងមាត់ដែលសម្បូរទៅដោយ
វីតាមីន គឺមានដូចជា ចេក ទឹកដោះគោជូ បង្អែមធ្វើពីប្រទាលកន្ទុយក្រពើ ឬស្ដ្រូបូរី។ល។

ទឹកដោះគោជូរ
ទឹកដោះគោជូរត្រូវបានគេស្គាល់ច្រើនដោយសារតែវាមានផ្ទុកបាក់តេរី probiotic ដែលមាន
ប្រយោជន៍ច្រើនដល់ប្រព័ន្ធរំលាយអាហារ និងជួយបង្កើតកម្លាំងដល់ប្រព័ន្ធការពាររាងកាយ
និងជួយកំចាត់បាក់តេរីអាក្រក់ដែលបង្កអោយកើតមុន និងបញ្ហាស្បែក។ បែបនេះ អ្នកគួរតែ
បរិភោគទឹកដោះគោជូរយ៉ាងតិចមួយកំប៉ុងតូច ក្រោយពីទទួលទានអាហាររួច។ ក្រៅពីនេះ
អ្នកក៏អាចបរិភោគអាហារជាច្រើនដែលធ្វើពីទឹកដោះគោជូរ ដូចជាញាំបន្លែផ្លែឈើជាមួយ
ទឹកដោះគោជូរ ឬទឹកដោះគោជូរជាមួយបាយដំណើបជាដើម។

ស្ដ្រូបូរី
វីតាមីន C ដែលមាននៅក្នុងផ្លែស្រ្ដូបូរី អាចជួយពន្យាការវិវឌ្ឍទៅរកភាពចាស់ ហើយជាតិ
បំប៉នរបស់វាក៏មានប្រយោជន៍ច្រើនសម្រាប់ស្បែក។ អ្នកគួរតែបរិភោគផ្លែស្ដ្រូបូរីស្រស់ៗ ឬធ្វើជាអាហារផ្សេងៗដូចជា ញាំផ្លែស្ដ្រូបូរី ការ៉ែមស្ដ្រូបូរី ត្រណាប់ស្រ្ដូបូរី ឬស្ដ្រូបូរីញាំទឹកដោះ
គោជូរ។
ចេក

ផ្លែចេកក៏មានផ្ទុកសារជាតិ potassium ច្រើន ដែលជួយអោយប្រព័ន្ធខួរក្បាលដំណើរការបាន
ល្អ។ ក្រៅពីនេះ ផ្លែកចេកក៏មានសារជាតិ tryptopan ដែលមានប្រយោជន៍ដល់ផ្លូវចិត្ត។
នៅមុនពេលអ្នកត្រូវបំពេញការងារស្មុគស្មាញ អ្នកគួរបរិភោគផ្លែចេកទុំអោយបានច្រើន។

ប្រទាលកន្ទុយក្រពើ
វីតាមីន A, C, E និងវីតាមីនផ្សេងៗ រួមជាមួយនឹងជាតិរ៉ែជាច្រើនទៀត ត្រូវបានរកឃើញនៅ
ក្នុងប្រទាលកន្ទុយក្រពើ។ ដូច្នេះវាអាចជួយកាត់បន្ថយការរលាកស្បែកបានយ៉ាងមានប្រសិទ្ធិ
ភាព។ ប្រសិនអ្នកបរិភោគបានច្រើន ប្រទាលកន្ទុយក្រពើនឹងជួយអោយស្បែករបស់អ្នកមាន
ភាពទន់រលោង ម៉តខៃ។ ដើម្បីបានញ៉ាំប្រទាលនេះ អ្នកអាចយកវាទៅធ្វើជាបង្អែមក៏បាន៕