CamNews

ស្វែងរកកំរិតខ្ពស់
ព័ត៌មានអន្តរជាតិ 

ស្រង់សពខ្មោច ២១៧នាក់ ត្រលប់មកវិញ នៅសល់ សព ៣០០ទៀត ពីក្នុងខ្មោចនាវាសមុទ្រ ដ៏រន្ធត់

ព័ត៌មានអន្តរជាតិ ៖ មន្រ្តីជើងទឹក ប្រទេស​ អ៊ីតាលី គូសបញ្ជាក់អោយដឹងថា ក្រុមការងាររបស់ខ្លួន បានស្រង់ត្រលប់មកវិញ នូវសពខ្មោច ២១៧ នាក់ហើយ ពីក្នុងនាវាដឹកជនអន្តោប្រវេសន៍ ដែលបាន លិចនៅឈូងសមុទ្រ ប្រទេស ល៊ីប៊ី កាលពីឆ្នាំ ២០១៥ ដែលគ្រោះសោកនាដកម្ម លើកនោះ គឺនាំមកនូវការព្រួយបារម្ភជាខ្លាំង ពីសហភាពអឹរ៉ុបដោយបន្តការយកចិត្តទុកដាក់ទៅប្រតិបត្តិការជួយសង្គ្រោះ ជនអន្តោប្រវេសន៍ ពីសមុទ្រ Mediterranean  ។ 



គួរបញ្ជាក់ថា អាជ្ញាធរ ប្រទេស អ៊ីតាលី បានស្រង់ខ្មោចកាប៉ាល់ ចេញពីបាតសមុទ្រកាលពីសប្តាហ៍ មុន ក្រោយលិចអស់រយៈពេលជាង ១ឆ្នាំមកហើយ។ បច្ចុប្បន្នភាព ក្រុមការងារ កំពុងតែចេញប្រតិបត្តិ ការស្រង់ត្រលប់មកវិញសពខ្មោច ពីក្នុងការនាវា ។ សេចក្តីថ្លែងការណ៍ កាលពីថ្ងៃ ព្រហស្បត្តិ៍ ម្សិល មិញនេះឲ្យដឹងថា ក្រុមការងារជំនាញ ៥២នាក់ បានស្រង់ត្រលប់មកវិញ សពខ្មោច បានចំនួន ២១៧ នាក់ហើយ ។ ប្រភពបន្តអោយដឹងថា បើយោងតាមសម្តី សាក្សីរស់ទាំង ២៨នាក់ ដែលជាជនអន្តោ ប្រវេសន៍មានឱកាសរស់រាន ពីការលិចនាវាខាងលើ កាលពីឆ្នាំមុន ថ្ងៃទី ១៨ មេសា ២០១៥ នោះ ឲ្យ ដឹងថា នាវាដែលបានលិចនោះ គឺផ្ទុកអ្នកដំណើរជនអន្តោប្រវេសន៍ សរុបពី ៧០០-៨០០នាក់ ដែលជា ហេតុនាំឲ្យអាជ្ញាធរសម្រេចបានថា ការលិចនាវា ដឹកជនអន្តោប្រវេសន៍លើកនេះ គឺជាសោកនាដកម្ម នៃវិបត្តិជនអន្តោប្រវេសន៍ តំបន់ សមុទ្រ Mediterranean ដ៏អាក្រក់បំផុត ក្នុងទំព័រ ប្រវត្តិសាស្រ្ត ។ 



មកទល់នឹងបច្ចុប្បន្នភាព សាកសពជនអន្តោប្រវេសន៍ ២១៧នាក់ ត្រូវបានស្រង់ត្រលប់មកវិញ ខណៈ​អាជ្ញាធរលើកឡើងអោយដឹងថា អាចនៅសាកសពប្រមាណ ៣០០នាក់ទៀត ដែលពុំទាន់ស្រង់ ត្រលប់មកវិញ បើយោងតាមការវិភាគ ក្រោយមើលឃើញជាក់ស្តែង តួធំ របស់នាវា ដែលបានលិច៕

ប្រែសម្រួល ៖ កុសល

ប្រភព ៖ អ័រតេ 


Tags: Italy,  Int news,  Hot news,  Breaking news

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......