ព័ត៌មានអន្តរជាតិ ៖ នៅថ្ងៃអង្គារ ម្សិលមិញនេះ វៀតណាម ព្រមានចិន ពីការរុករកធនធានរ៉ែធម្មជាតិ នៅក្នុងដែនទឹកជម្លោះ សមុទ្រចិនខាងត្បូង នេះបើយោងតាមចុះ ផ្សាយ ពីសារព័ត៌មាន Reuters ។ គួរបញ្ជាក់ ថា កាលពី ពេល កន្លង ទៅនេះ សេចក្តីរាយការណ៍ បញ្ជាក់ ឲ្យដឹងថា រដ្ឋាភិបាលទីក្រុង ប៉េកាំង ប្រទេសចិន បានតម្លើង និងខួងប្រេង នៅត្រង់ចំនុចកណ្តាល នៃ ដែនទឹក ជម្លោះសមុទ្រចិន ខាងត្បូង ដែលជាបញ្ហាប្រឈម ជាតំបន់ជម្លោះរវាងរៀតណាម ចិន ដែល ពុំទាន់ច្បាស់នៅឡើយទេ ថាស្ថិតនៅក្រោមដែនសមត្ថកិច្ចរបស់ប្រជាជាតិណាមួយ ។
ប្រភពបន្តអោយដឹងថា កាលពីពេលកន្លងទៅ នាពាក់កណ្តាលឆ្នាំ ២០១៤ ចលនានៃការខួងប្រេង ពី សំណាក់រដ្ឋាភិបាលប្រទេសចិន បាននាំមកនូវភាពល្អក់កករ ឈានដល់កម្រិតសូន្យ នៃទំនាក់ទំនង ការទូតចិន វៀតណាម ក្រោយពីចិន បានតាំងនិងតម្លើងអណ្តូងរ៉ែប្រេង រយៈពេល ១០ សប្តាហ៍ នៅ ក្នុងដែនទឹកសមុទ្រចិន វៀតណាម ខណៈពេលដែលចិនផ្តាច់មុខថា ជាដែនទឹក ប្រជាជាតិរបស់ខ្លួន ពេញទំហឹង ។ អ្នកនាំពាក្យឲ្យក្រសួងការបរទេស វៀតណាម ឲ្យដឹងថា មូលដ្ឋាន រុករកប្រេងខាងលើ បានផ្លាស់ប្តូរទីតាំងហើយ នៅថ្ងៃសៅរ៍កន្លងទៅនេះ ទៅកាន់ទីតាំងថ្មី ដែល ជា ទី តាំងខ្សែតម្រួត តែ មួយនៃព្រំដែនទឹក រវាងប្រជាជាតិ ចិន វៀតណាម ៕
ប្រែសម្រួល ៖ កុសល
ប្រភព ៖ អ័រតេ