ទូរស័ព្ទ
Phablet Lumia 1520 ជិតមានវើហ្សិន mini ដែលមានអេក្រង់ 4,3 inch
រូបភាពមួយចំនួន ត្រូវបានគេចាត់ទុកថា ជាវើហ្សិនបង្រួមតូចរបស់ Phablet Lumia 1520 ទើបតែ លេចចេញនៅលើអ៊ីនធឺណេត កាលពីពេលថ្មីៗនេះ។
ស្មាតហ្វូននេះមានឈ្មោះថា Lumia 1520V ដែលមានការរចនាម៉ូតដូចទាំងស្រុងទៅនឹង Lumia 1520 ប៉ុន្តែវាមានអេក្រង់តែ 4,3 inch ជំនួសឲ្យ 6 inch និងមានកំរិតរីសូលុយហ្សិន Full HD 1.080 x 1.920 pixel។ បើសិនជា Nokia ពិតជានឹងធ្វើការបង្ហាញណែនាំ ផលិតផលដូច្នេះមែននោះ នេះគឺជាអេក្រង់មួយ ក្នុងចំណោមអេក្រង់ទូរស័ព្ទមួយចំនួនទៀត ដែលមានដង់ស៊ីតេភិចស្យែល ខ្ពស់បំផុត (512 pixel/inch)។
ក្រៅពីនេះ 1520V នឹងបំពាក់នូវ RAM 2 GB និងមានមេម៉ូរីក្នុង 32 GB។ ស្មាតហ្វូនប្រើប្រាស់ កាមរ៉ាទំហំ 14 megapixel ជាមួយនឹងបច្ចេកវិទ្យាថតរូប PureView, ថាមពលថ្ម 3.000 mAh និងប្រើប្រព័ន្ធប្រតិបត្តិការ Windows Phone 8.1៕
ប្រែសម្រួល៖ សិលា
ប្រភព៖ vexpress
ទូរស័ព្ទ ដែលមើលច្រើន
