ធ្វើតាមវិធីងាយៗទាំងនេះ ថ្មទូរស័ព្ទអ្នក នឹងមិនងាយអស់ឡើយ
វិធីសាស្រ្តល្អៗ ៖ ទូរស័ព្ទស្មាតហ្វូនសព្វថ្ងៃ ត្រូវបានប្រើប្រាស់លើសពីការទំនាក់ទំនងទៅទៀត ជាហេតុធ្វើឲ្យវាឆាប់អស់ថ្ម។ ជាធម្មតា អ្នកប្រើប្រាស់ស្មាតហ្វូន អាចបញ្ជូលថ្មប្រមាណ ២ ទៅ៣ដង ក្នុងមួយថ្ងៃ ដែលវាធ្វើឲ្យខាតពេលវេលា អស់ភ្លើងច្រើន និងគួរឲ្យធុញទ្រាន់ នៅពេលដឹងថាទូរស័ព្ទត្រូវអស់ថ្ម។ ដូច្នេះ អ្នកគួរតែយល់ដឹងពីតិចនិកងាយៗ ដែលជួយឲ្យអ្នកសន្សំសំចៃថ្មទូរស័ព្ទ។
១. ពិនិត្យមើលកម្មវិធីទូរស័ព្ទ
អ្នកគួរពិនិត្យមើលកម្មវិធីទូរស័ព្ទទាំងអស់ ថាតើកម្មវិធីណាមួយដែលស៊ីថ្មទូរស័ព្ទអ្នកច្រើនជាងគេ។ វាមានកម្មវិធីជាច្រើន ដែលអ្នកពុំដែលប្រើទាល់តែសោះ តែត្រូវការថ្មច្រើន។ ដូច្នេះអ្នកអាចលុបវាចេញ ដើម្បីសន្សំសំចៃថ្ម។
២. ប្រើ Low Power Mode
ការប្រើប្រាស់ Low Power Mode នឹងជួយថ្មអ្នកច្រើនមែនទែន ដោយវានឹងជួយបញ្ឃប់ការដំណើរការកម្មវិធីមួយចំនួនដែលពុំចាំបាច់ រួមទាំងបន្ថយពន្លឺលើអេក្រង់ទូរស័ព្ទផងដែរ។ ការប្រើប្រាស់វិធីមួយនេះ នឹងអាចសន្សំសំចៃថ្មរហូតដល់ ៣០% ដែលអ្នកនឹងស្មានពុំដល់។
៣. បិទ Location Services
បិទ Location Services មិនត្រឹមតែជួយរក្សាថ្មទូរស័ព្ទប៉ុណ្ណោះទេ តែវាក៏ជួយមិនឲ្យអ្នកណាដឹងពីទីតាំងរបស់អ្នកផងដែរ។ ឥលូវនេះ កម្មវិធីជាច្រើនសុទ្ធតែត្រូវការដឹងពីទីតាំងរបស់អ្នក ហើយពេលខ្លះវាពិតជាគ្រោះថ្នាក់ ពេលនរណាម្នាក់ចង់ធ្វើបាបអ្នក។
៤. បន្ថយពន្លឺលើអេក្រង់ទូរស័ព្ទ
គ្រាន់តែបន្ថយពន្លឺ ក៏អាចជួយថ្មទូរស័ព្ទរបស់អ្នកបានច្រើនផងដែរ តែអ្នកមិនគួរបន្ថយរហូតដល់មើលមិនឃើញនោះទេ។ សម្រាប់ពេលយប់ អ្នកអាចច្រើនជាមួយ Night Shift mode។
៥. ប្រើ WIFI
ការប្រើ 4G ឬ LTE ធ្វើឲ្យចុះថ្មច្រើនមែនទែន ដូច្នេះអ្នកគួរតែប្រើ WIFI ប្រសិនជាអាច ជំនួសឲ្យការប្រើ cellular។ មិនតែប៉ុណ្ណោះ វាក៏ជួយសន្សំថវិកាអ្នកផងដែរ។
៦. បិទសារ ចំពោះកម្មវិធីណាដែលអ្នកមិនប្រើ
អ្នកគួរតែបិទសារ (notifications) ចំពោះកម្មវិធីណាដែលអ្នកពុំចាប់អារម្មណ៍ ព្រោះពេលខ្លះពួកវាក៏គួរឲ្យធុញដែរ។
៧. កុំប្រើ camera flash
ការប្រើប្រាស់ camera flash ពិតជាស៊ីថ្មច្រើនជាងអ្វីដែលអ្នកគិតទៅទៀត ហើយការថតដោយប្រើ camera flash ក៏មិនស្អាតណាស់ណាដែរ៕
ប្រែសម្រួល ៖ High
ប្រភព ៖ womansday
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កុំព្យូទ័រ ដែលមើលច្រើន
