ព័ត៌មានកីឡា៖ ស្ដេចប្រដាល់ ប្រចាំប្រទេសហ្វីលីពីន ដែលមានការគាំទ្រ និងគោរពច្រើនពី សំណាក់ជនរួមជាតិផងនោះ បានសន្យាប្រាប់ទៅ អ្នកគាំទ្រ ទាំងអស់ថា កីឡាករនឹងវិលត្រលប់ទៅ រកឆាកជីវិតលើសង្វៀនប្រកួតវិញជាមិនខាននៅឆ្នាំក្រោយ បន្ទាប់ពីជម្ងឺ និងមុខរបួស វះកាត់ជាសះស្បើយ ។
លោក ប៉ាក់គីអៅ ដែលបច្ចុប្បន្ន កំពុងតែស្ថិតនៅក្នុងប្រទេស ឥណ្ឌូនេស៊ី ជាមួយភរិយា លើទស្សនៈកិច្ចក្រៅផ្លូវការ ទៅសួរសុខទុក្ខអ្នកទោសជនជាតិហ្វីលីពីនម្នាក់ បានអះអាងប្រាប់ ទៅអ្នកសារព័ត៌មានថា រូបលោក នឹងត្រៀមខ្លួនរួចជាស្រេចសម្រាប់ វិថីអាជីពជាអ្នកប្រដាល់ ប៉ុន្ដែនៅឆ្នាំក្រោយ គឺមិនអាចក្នុងឆ្នាំនេះបានទេ ព្រោះជម្ងឺនឹង របួសមិនអាចដំណើការបាននោះទេ។
ថ្វីត្បិតតែ ការប្រកួតចុងក្រោយរបស់លោក ប៉ាក់គីអៅ បានចាញ់ក្រោមដៃ Floyd ដោយពិន្ទុមែន តែប្រជាប្រិយភាពរបស់គាត់នៅតែមាន ជាពិសេសសម្លេងគាំទ្រ របស់ជនរួមជាតិ ដែលមិនអាចបាត់បង់នោះទេ។
ដោយ៖ អឿ អ៊ុយ
ប្រភព៖ punchng